गोव्यात बहुतांश पक्षांनी आपल्या उमेदवारांच्या नावांची यादी जाहीर केली होती. परंतु, भाजपा कोणत्या उमेदवारांना संधी देणार याकडे सर्वांचे लक्ष होते. महत्वाचे म्हणजे गोव्यात भाजपा आणि उत्पल पर्रीकर यांचातील मुद्दा फार चर्चेचा विषय ठरतो आहे. त्यामुळे विधानसभेचे विरोधी पक्षनेते देवेंद्र फडणवीस उत्पल पर्रीकरांना झुकते माप देणार का याकडे सगळ्यांचे लक्ष होते. आज जाहीर झालेल्या यादीत ४० पैकी ३४ जागांवारांचे नाव जाहीर झाले आहेत.

उत्पल पर्रीकरांना ज्या-ज्या पणजी मतदार संघातून निवडणूक लढायची होती, तिथून भाजपाने विद्यमान आमदार अतानासिओ मोन्सेरात यांना उमेदवारी दिली आहे. महत्वाचे म्हणजे उत्पल पर्रीकरांविषयी विचारले असता, मनोहर पर्रीकरांचे कुटुंब आमचेच कुटुंब असून, उत्पल पर्रीकर यांना दुसऱ्या मतदारसंघातून उमेदवारी देण्याचा विचार असल्याचे देवेंद्र फडणवीस यांनी सांगितले आहे. पुढे फडणवीस म्हणाले, आम्ही उत्पल पर्रीकर यांना पणजी वगळता दोन जागांचा पर्याय दिला होता. त्यांनी जागा नाकारली होती. ते आम्ही सुचवलेल्या जागेवरून निवडणूक लढवण्यास तयार होतील, अशी आम्हाला आशा आहे. विधानसभेच्या एकूण ४० जागांसाठी १४ फेब्रुवारीला मतदान होणार असून १० मार्चला मतमोजणी आहे.

अशाच ताज्या घडामोडींशी अपडेट राहण्यासाठी अभिजीत भारत न्यूज पोर्टलच्या युट्यूब चॅनेलला सबस्क्राईब तसेच ट्विटर, फेसबुक आणि इंस्टाग्राम पेजला लाईक करायला विसरू नका.