भोपाळ: मध्य प्रदेशातील सिवनी जिल्ह्यातील पेंच राष्ट्रीय उद्यानातील २९ बछड्यांना जन्म देणारी ‘सुपर मॉम’ अशी विशेषणाने ओळखल्या जाणारी ‘कॉलरवाली वाघीण’ चा मृत्यू झाला आहे.

१७वर्षीय कॉलरवाली वाघिणीने १२ वर्षांची असताना २६ बछड्यांना जन्म दिला होता त्यामुळे या वाघिणीला  सुपर मॉम म्हणून संबोधल्या जाऊ लागले होते. तसेच तिला ‘पेंचची राणी’ असे म्हणूनही पर्यटक ओळखतात.

T-१५ अर्थात कॉलरवाली असे अनोखे नाव असणाऱ्या वाघिणीचा जन्म सप्टेंबर २००५ मध्ये झाला आणि तिने २००८ पहिल्यांदा शवकाला जन्म दिला. तेव्हा पासून आजवर तिने आठ प्रसूतींमध्ये २९ शावकांना जन्म दिला. गेल्या काही दिवसांपासून ही वाघीण आजारी होती. तिच्यावर उपचार सुरू होते. मात्र उपचारांना तिच्याकडून मिळणारा प्रतिसाद कमी होत गेला आणि तिचा अखेर मृत्यू झाला. पेंच राष्ट्रीय उद्यानातील सर्वाधिक बछड्यांना जन्म देण्याचा विक्रम तिच्या नावे आहे.

वाघिणीच्या मृत्यूवर मध्यप्रदेशचे मुख्यमंत्री शिवराजसिंह चौहान यांनी ट्विट करीत आपली प्रतिक्रिया व्यक्त केली आहे.