सीमेवर लँडमाइनचा भीषण स्फोट; पुंछमध्ये दोन भारतीय जवान जखमी
Total Views |
Image Source:(Internet)पुंछ: जम्मू-काश्मीरमधील पुंछ जिल्ह्यातील मेंढर सेक्टरमध्ये नियंत्रण रेषेजवळ (एलओसी) लँडमाइन निकामी करण्याच्या मोहिमेदरम्यान झालेल्या भीषण स्फोटात भारतीय लष्कराचे दोन जवान जखमी झाले. जखमी जवानांना तातडीने लष्करी रुग्णालयात हलविण्यात आले असून त्यांच्यावर उपचार सुरू आहेत.
लष्करी सूत्रांनी दिलेल्या माहितीनुसार, बॉम्ब निकामी करणारे विशेष पथक नियमित तपासणी आणि गस्तीदरम्यान कांगा गली परिसरात पोहोचले होते. यावेळी जमिनीत पुरलेला एक लँडमाइन आढळून आला. तो सुरक्षितपणे निकामी करण्याची प्रक्रिया सुरू असतानाच अचानक स्फोट झाला आणि दोन जवान त्यात जखमी झाले.
नियंत्रण रेषेलगत घुसखोरी रोखण्यासाठी विविध ठिकाणी लँडमाइन्स पेरण्यात आलेल्या असतात. मात्र, मुसळधार पावसामुळे या स्फोटकांची जागा बदलण्याची शक्यता असल्याने लष्कराकडून वेळोवेळी त्यांचा शोध घेऊन ती निकामी करण्याचे काम केले जाते.
याचदरम्यान पुंछमधील नलवा-देगवार तरवान परिसरात नागरिकांना गंजलेले संशयास्पद स्फोटक आढळून आले. माहिती मिळताच लष्कराच्या पथकाने घटनास्थळी धाव घेत ते स्फोटक सुरक्षितपणे नष्ट केले.
पुंछ हा पाकिस्तान सीमेलगतचा अतिसंवेदनशील भाग मानला जातो. घुसखोरी, शस्त्रांची तस्करी आणि दहशतवादी हालचाली रोखण्यासाठी भारतीय लष्कर या भागात सातत्याने गस्त आणि कडक सुरक्षा व्यवस्था कायम ठेवत आहे.
लष्करी सूत्रांनी दिलेल्या माहितीनुसार, बॉम्ब निकामी करणारे विशेष पथक नियमित तपासणी आणि गस्तीदरम्यान कांगा गली परिसरात पोहोचले होते. यावेळी जमिनीत पुरलेला एक लँडमाइन आढळून आला. तो सुरक्षितपणे निकामी करण्याची प्रक्रिया सुरू असतानाच अचानक स्फोट झाला आणि दोन जवान त्यात जखमी झाले.
नियंत्रण रेषेलगत घुसखोरी रोखण्यासाठी विविध ठिकाणी लँडमाइन्स पेरण्यात आलेल्या असतात. मात्र, मुसळधार पावसामुळे या स्फोटकांची जागा बदलण्याची शक्यता असल्याने लष्कराकडून वेळोवेळी त्यांचा शोध घेऊन ती निकामी करण्याचे काम केले जाते.
याचदरम्यान पुंछमधील नलवा-देगवार तरवान परिसरात नागरिकांना गंजलेले संशयास्पद स्फोटक आढळून आले. माहिती मिळताच लष्कराच्या पथकाने घटनास्थळी धाव घेत ते स्फोटक सुरक्षितपणे नष्ट केले.
पुंछ हा पाकिस्तान सीमेलगतचा अतिसंवेदनशील भाग मानला जातो. घुसखोरी, शस्त्रांची तस्करी आणि दहशतवादी हालचाली रोखण्यासाठी भारतीय लष्कर या भागात सातत्याने गस्त आणि कडक सुरक्षा व्यवस्था कायम ठेवत आहे.
