शिंदे गटाच्या 'या' खासदाराला केंद्रीय मंत्रिपदाची 100 टक्के आशा; 'या' नेत्याच्या विधानाने राजकीय चर्चांना उधाण
Total Views |
Image Source:(Internet)मुंबई : केंद्रातील मोदी सरकारच्या संभाव्य मंत्रिमंडळ विस्ताराच्या चर्चांना सध्या वेग आला आहे. महाराष्ट्रातील महायुतीच्या काही खासदारांना केंद्रात संधी मिळण्याची शक्यता व्यक्त केली जात असून, शिवसेना (शिंदे गट) यांच्याही वाट्याला मंत्रिपद येण्याची चर्चा आहे. अशातच शिंदे गटातील खासदार बंडू जाधव यांनी केलेल्या एका विधानामुळे राजकीय वर्तुळात चर्चांना उधाण आले आहे.
परभणीचे खासदार बंडू जाधव यांनी नुकतीच पत्रकार परिषद घेतली. यावेळी संभाव्य केंद्रीय मंत्रिमंडळ विस्ताराबाबत त्यांना प्रश्न विचारण्यात आला. त्यावर बोलताना, “माझ्या पक्षाने मंत्रिपदासाठी माझं नाव सुचवलं तर मला संधी मिळेल. मला मंत्री म्हणून संधी मिळण्याची 100 टक्के शक्यता आहे, असं मला वाटतं,” असं जाधव यांनी म्हटलं. मात्र, केंद्रीय मंत्रिमंडळ विस्ताराबाबत आपल्याकडे अधिकृत माहिती नसल्याचंही त्यांनी स्पष्ट केलं. भाजपचे वरिष्ठ नेते आणि पक्षाचे नेतृत्व याबाबत अंतिम निर्णय घेतील, असं त्यांनी सांगितलं.
शिंदे गटातील इतर खासदारांचाही उल्लेख-
आपल्यासोबत असलेल्या इतर खासदारांनाही मंत्रिपद मिळू शकतं, असं वाटत असल्याचं जाधव यांनी सांगितलं. ओमराजे निंबाळकर यांच्यासह इतर खासदारांचीही नावे त्यांनी चर्चेत आणली. मात्र अंतिम निर्णय पक्षाचे वरिष्ठ नेतेच घेतील, हेही त्यांनी स्पष्ट केलं. त्यामुळे जाधव यांच्या “100 टक्के शक्यता” या विधानाचा अर्थ त्यांच्या वैयक्तिक अपेक्षेच्या स्वरूपातच घेतला जात आहे.
शिंदे गटाला किती मंत्रिपदं?
दरम्यान, संभाव्य केंद्रीय मंत्रिमंडळ विस्तारात महाराष्ट्राला अधिक प्रतिनिधित्व मिळण्याची शक्यता असल्याच्या चर्चा सुरू आहेत. शिवसेना (शिंदे गट) यांना एक कॅबिनेट मंत्रिपद आणि एक राज्यमंत्रिपद मिळू शकते, अशीही राजकीय वर्तुळात चर्चा आहे. मात्र शिंदे गटाकडून नेमकं कोणाचं नाव अंतिम केलं जाणार, याबाबत अद्याप अधिकृत घोषणा झालेली नाही. त्यामुळे बंडू जाधव यांच्या विधानानंतर आता शिंदे गटातील कोणत्या खासदाराला केंद्रात संधी मिळणार, याकडे सर्वांचं लक्ष लागलं आहे.
परभणीचे खासदार बंडू जाधव यांनी नुकतीच पत्रकार परिषद घेतली. यावेळी संभाव्य केंद्रीय मंत्रिमंडळ विस्ताराबाबत त्यांना प्रश्न विचारण्यात आला. त्यावर बोलताना, “माझ्या पक्षाने मंत्रिपदासाठी माझं नाव सुचवलं तर मला संधी मिळेल. मला मंत्री म्हणून संधी मिळण्याची 100 टक्के शक्यता आहे, असं मला वाटतं,” असं जाधव यांनी म्हटलं. मात्र, केंद्रीय मंत्रिमंडळ विस्ताराबाबत आपल्याकडे अधिकृत माहिती नसल्याचंही त्यांनी स्पष्ट केलं. भाजपचे वरिष्ठ नेते आणि पक्षाचे नेतृत्व याबाबत अंतिम निर्णय घेतील, असं त्यांनी सांगितलं.
शिंदे गटातील इतर खासदारांचाही उल्लेख-
आपल्यासोबत असलेल्या इतर खासदारांनाही मंत्रिपद मिळू शकतं, असं वाटत असल्याचं जाधव यांनी सांगितलं. ओमराजे निंबाळकर यांच्यासह इतर खासदारांचीही नावे त्यांनी चर्चेत आणली. मात्र अंतिम निर्णय पक्षाचे वरिष्ठ नेतेच घेतील, हेही त्यांनी स्पष्ट केलं. त्यामुळे जाधव यांच्या “100 टक्के शक्यता” या विधानाचा अर्थ त्यांच्या वैयक्तिक अपेक्षेच्या स्वरूपातच घेतला जात आहे.
शिंदे गटाला किती मंत्रिपदं?
दरम्यान, संभाव्य केंद्रीय मंत्रिमंडळ विस्तारात महाराष्ट्राला अधिक प्रतिनिधित्व मिळण्याची शक्यता असल्याच्या चर्चा सुरू आहेत. शिवसेना (शिंदे गट) यांना एक कॅबिनेट मंत्रिपद आणि एक राज्यमंत्रिपद मिळू शकते, अशीही राजकीय वर्तुळात चर्चा आहे. मात्र शिंदे गटाकडून नेमकं कोणाचं नाव अंतिम केलं जाणार, याबाबत अद्याप अधिकृत घोषणा झालेली नाही. त्यामुळे बंडू जाधव यांच्या विधानानंतर आता शिंदे गटातील कोणत्या खासदाराला केंद्रात संधी मिळणार, याकडे सर्वांचं लक्ष लागलं आहे.
