आभाळ पुन्हा भरले; महाराष्ट्रात पावसाचा जोर वाढण्याची शक्यता
Total Views |
Image Source:(Internet)मुंबई : राज्यात मान्सून पुन्हा सक्रिय झाला असून आज, १८ ऑगस्ट रोजी महाराष्ट्रातील अनेक भागांत पावसाची शक्यता वर्तवण्यात आली आहे. कोकण आणि गोवा परिसरात बहुतांश ठिकाणी पाऊस पडण्याचा अंदाज असून उत्तर आणि दक्षिण कोकणात पावसाचा जोर कायम राहण्याची शक्यता आहे.
मुंबई, ठाणे, पालघर, रायगड, रत्नागिरी आणि सिंधुदुर्ग या जिल्ह्यांमध्ये आज पावसाची शक्यता आहे. ठाणे आणि रायगडमध्ये मध्यम स्वरूपाच्या सरी, तर मुंबई आणि पालघरमध्ये हलका ते मध्यम पाऊस होऊ शकतो. रत्नागिरीतही मध्यम पावसाचा अंदाज असून सिंधुदुर्गात हलक्या ते मध्यम सरींची शक्यता आहे.
मध्य महाराष्ट्रातही काही भागांना पावसाचा तडाखा बसू शकतो. पुणे शहरात हलक्या सरी अपेक्षित असून घाट परिसरात मेघगर्जनेसह हलका ते मध्यम पाऊस पडण्याची शक्यता आहे. नाशिकच्या घाट भागातही मेघगर्जनेसह पाऊस होऊ शकतो. कोल्हापूर आणि सातारा जिल्ह्यांत हलका पाऊस, तर घाट परिसरात तुलनेने अधिक पावसाची शक्यता आहे.
मराठवाड्यात बहुतांश भागांत पावसाची शक्यता कमी असली तरी जालना, परभणी, हिंगोली आणि नांदेडसह काही ठिकाणी तुरळक सरी पडू शकतात. लातूरमध्ये हलका ते मध्यम पाऊस आणि मेघगर्जनेची शक्यता आहे.
दरम्यान, विदर्भातील अकोला, अमरावती, भंडारा, बुलढाणा, चंद्रपूर, नागपूर, वर्धा, वाशिम आणि यवतमाळ या जिल्ह्यांसाठी आज कोणताही विशेष इशारा देण्यात आलेला नाही. मात्र काही भागांत पावसाच्या सरी पडण्याची शक्यता कायम आहे.
हवामान विभागाच्या अंदाजानुसार १९ ते २१ ऑगस्टदरम्यान कोकण-गोवा परिसरात पावसाचे प्रमाण कायम राहू शकते. मध्य महाराष्ट्रात पावसाची व्याप्ती काहीशी घटण्याची शक्यता असून काही ठिकाणी सरी पडतील. मराठवाड्यात तुरळक पाऊस, तर विदर्भात १९ ऑगस्टपासून पावसाचा जोर कमी होण्याची शक्यता आहे.
मुसळधार पावसाच्या काळात सखल भागात पाणी साचणे, वाहतूक विस्कळीत होणे, नदी-नाल्यांना पूर येणे तसेच घाट परिसरात दरडी कोसळण्याचा धोका निर्माण होऊ शकतो. त्यामुळे नागरिकांनी सतर्क राहून हवामान विभागाच्या ताज्या सूचनांकडे लक्ष देण्याचे आवाहन करण्यात आले आहे.
मुंबई, ठाणे, पालघर, रायगड, रत्नागिरी आणि सिंधुदुर्ग या जिल्ह्यांमध्ये आज पावसाची शक्यता आहे. ठाणे आणि रायगडमध्ये मध्यम स्वरूपाच्या सरी, तर मुंबई आणि पालघरमध्ये हलका ते मध्यम पाऊस होऊ शकतो. रत्नागिरीतही मध्यम पावसाचा अंदाज असून सिंधुदुर्गात हलक्या ते मध्यम सरींची शक्यता आहे.
मध्य महाराष्ट्रातही काही भागांना पावसाचा तडाखा बसू शकतो. पुणे शहरात हलक्या सरी अपेक्षित असून घाट परिसरात मेघगर्जनेसह हलका ते मध्यम पाऊस पडण्याची शक्यता आहे. नाशिकच्या घाट भागातही मेघगर्जनेसह पाऊस होऊ शकतो. कोल्हापूर आणि सातारा जिल्ह्यांत हलका पाऊस, तर घाट परिसरात तुलनेने अधिक पावसाची शक्यता आहे.
मराठवाड्यात बहुतांश भागांत पावसाची शक्यता कमी असली तरी जालना, परभणी, हिंगोली आणि नांदेडसह काही ठिकाणी तुरळक सरी पडू शकतात. लातूरमध्ये हलका ते मध्यम पाऊस आणि मेघगर्जनेची शक्यता आहे.
दरम्यान, विदर्भातील अकोला, अमरावती, भंडारा, बुलढाणा, चंद्रपूर, नागपूर, वर्धा, वाशिम आणि यवतमाळ या जिल्ह्यांसाठी आज कोणताही विशेष इशारा देण्यात आलेला नाही. मात्र काही भागांत पावसाच्या सरी पडण्याची शक्यता कायम आहे.
हवामान विभागाच्या अंदाजानुसार १९ ते २१ ऑगस्टदरम्यान कोकण-गोवा परिसरात पावसाचे प्रमाण कायम राहू शकते. मध्य महाराष्ट्रात पावसाची व्याप्ती काहीशी घटण्याची शक्यता असून काही ठिकाणी सरी पडतील. मराठवाड्यात तुरळक पाऊस, तर विदर्भात १९ ऑगस्टपासून पावसाचा जोर कमी होण्याची शक्यता आहे.
मुसळधार पावसाच्या काळात सखल भागात पाणी साचणे, वाहतूक विस्कळीत होणे, नदी-नाल्यांना पूर येणे तसेच घाट परिसरात दरडी कोसळण्याचा धोका निर्माण होऊ शकतो. त्यामुळे नागरिकांनी सतर्क राहून हवामान विभागाच्या ताज्या सूचनांकडे लक्ष देण्याचे आवाहन करण्यात आले आहे.
