हिंगणा पोलिसांचा अवैध हातभट्टी दारू अड्ड्यावर छापा; 7.62 लाखांचा मुद्देमाल जप्त
Total Views |
Image Source:(Internet)नागपूर : हिंगणा पोलिसांनी अवैध हातभट्टी दारू निर्मितीविरोधात मोठी मोहीम राबवत कानोलीबारा परिसरातील एका शेतावर छापा टाकला. या कारवाईत 7 लाख 62 हजार रुपयांचा मुद्देमाल जप्त करण्यात आला असून मुख्य संशयित आरोपी मात्र पोलिसांना चकवा देत पसार झाला.
गुप्त माहितीच्या आधारे पोलिसांनी ही कारवाई केली. तपासादरम्यान प्रशांत अशोक सोमणकर (रा. कानोलीबारा) हा महुआच्या फुलांपासून बेकायदेशीरपणे हातभट्टी दारू तयार करत असल्याचे समोर आले.
पोलिसांचे पथक घटनास्थळी पोहोचताच आरोपीने तेथून पळ काढला. घाईगडबडीत त्याने विनाक्रमांक स्प्लेंडर दुचाकी आणि मोबाईल फोन घटनास्थळीच सोडून दिला.
छाप्यात 220 लिटर तयार हातभट्टी दारू, 6 हजार लिटर महुआचा सडवा, 30 ड्रम, दारू निर्मितीसाठी लागणारे साहित्य, विनाक्रमांक स्प्लेंडर दुचाकी आणि मोबाईल फोन असा एकूण 7.62 लाख रुपयांचा मुद्देमाल जप्त करण्यात आला.
या प्रकरणी हिंगणा पोलीस ठाण्यात महाराष्ट्र दारूबंदी अधिनियम अंतर्गत गुन्हा दाखल करण्यात आला असून फरार आरोपीचा शोध सुरू आहे. प्रकरणाचा पुढील तपास हिंगणा पोलीस करत आहेत.
गुप्त माहितीच्या आधारे पोलिसांनी ही कारवाई केली. तपासादरम्यान प्रशांत अशोक सोमणकर (रा. कानोलीबारा) हा महुआच्या फुलांपासून बेकायदेशीरपणे हातभट्टी दारू तयार करत असल्याचे समोर आले.
पोलिसांचे पथक घटनास्थळी पोहोचताच आरोपीने तेथून पळ काढला. घाईगडबडीत त्याने विनाक्रमांक स्प्लेंडर दुचाकी आणि मोबाईल फोन घटनास्थळीच सोडून दिला.
छाप्यात 220 लिटर तयार हातभट्टी दारू, 6 हजार लिटर महुआचा सडवा, 30 ड्रम, दारू निर्मितीसाठी लागणारे साहित्य, विनाक्रमांक स्प्लेंडर दुचाकी आणि मोबाईल फोन असा एकूण 7.62 लाख रुपयांचा मुद्देमाल जप्त करण्यात आला.
या प्रकरणी हिंगणा पोलीस ठाण्यात महाराष्ट्र दारूबंदी अधिनियम अंतर्गत गुन्हा दाखल करण्यात आला असून फरार आरोपीचा शोध सुरू आहे. प्रकरणाचा पुढील तपास हिंगणा पोलीस करत आहेत.
