सोन्याचे भाव उतरले अन् ग्राहकांचा कल पुन्हा बाजाराकडे; सरकारी आवाहनाचा प्रभाव कमी?
Total Views |
Image Source:(Internet)मुंबई : वाढते आयात बिल आणि परकीय चलनावरील ताण कमी करण्यासाठी काही महिन्यांपूर्वी पंतप्रधान नरेंद्र मोदी यांनी नागरिकांना काही काळ सोने खरेदी टाळण्याचे आवाहन केले होते. त्यानंतर केंद्राने सोन्यावरील आयात शुल्कात वाढही केली. मात्र, सोन्याच्या किमती कमी होताच ग्राहकांनी पुन्हा सराफा बाजाराकडे धाव घेतल्याचे चित्र दिसत आहे.
सुरुवातीच्या काळात विक्रमी भावामुळे आणि सरकारी आवाहनामुळे सोन्याच्या खरेदीत काहीशी घट झाली होती. पण गेल्या काही दिवसांत सोन्याच्या दरात सुमारे ३ हजार रुपयांची, तर चांदीच्या दरात ७ हजार रुपयांहून अधिक घसरण झाल्याने ग्राहकांचा उत्साह पुन्हा वाढला आहे. अनेकांनी ही संधी साधत दागिने आणि सोन्याच्या नाण्यांची खरेदी सुरू केली आहे.
१८ जुलै २०२६ रोजी मुंबई सराफा बाजारात २४ कॅरेट सोन्याचा दर १,४०,९९६ रुपये प्रति १० ग्रॅम, तर २२ कॅरेट सोन्याचा दर १,२९,१५२ रुपये प्रति १० ग्रॅम नोंदविण्यात आला. एमसीएक्सवर ऑगस्ट वायदा सोन्याचा भाव १,४०,७२५ रुपये प्रति १० ग्रॅम होता. चांदीचा भावही २,१५,४४० रुपये प्रति किलोवर स्थिरावला.
श्रावण, गणेशोत्सव, नवरात्र, दिवाळी आणि विवाह हंगाम जवळ आल्याने सराफा बाजारात खरेदीचा वेग वाढू लागला आहे. ग्राहकांना आकर्षित करण्यासाठी अनेक ज्वेलर्स मेकिंग चार्जमध्ये सवलत, जुन्या सोन्याच्या बदल्यात नवीन दागिने आणि सुलभ हप्त्यांच्या योजना देत आहेत.
वर्ल्ड गोल्ड कौन्सिलच्या माहितीनुसार, सुरुवातीच्या मंदीनंतर देशात सोन्याच्या दागिन्यांची मागणी पुन्हा वाढत आहे. भारतात दरवर्षी मोठ्या प्रमाणावर सोन्याची आयात केली जाते. सरकार आयात कमी करण्यासाठी प्रयत्नशील असले, तरी भारतीय समाजात सोने हे परंपरा, बचत आणि सुरक्षित गुंतवणुकीचे प्रतीक मानले जात असल्याने दर कमी होताच ग्राहक पुन्हा मोठ्या प्रमाणात खरेदीसाठी पुढे येत असल्याचे स्पष्ट होत आहे.
सुरुवातीच्या काळात विक्रमी भावामुळे आणि सरकारी आवाहनामुळे सोन्याच्या खरेदीत काहीशी घट झाली होती. पण गेल्या काही दिवसांत सोन्याच्या दरात सुमारे ३ हजार रुपयांची, तर चांदीच्या दरात ७ हजार रुपयांहून अधिक घसरण झाल्याने ग्राहकांचा उत्साह पुन्हा वाढला आहे. अनेकांनी ही संधी साधत दागिने आणि सोन्याच्या नाण्यांची खरेदी सुरू केली आहे.
१८ जुलै २०२६ रोजी मुंबई सराफा बाजारात २४ कॅरेट सोन्याचा दर १,४०,९९६ रुपये प्रति १० ग्रॅम, तर २२ कॅरेट सोन्याचा दर १,२९,१५२ रुपये प्रति १० ग्रॅम नोंदविण्यात आला. एमसीएक्सवर ऑगस्ट वायदा सोन्याचा भाव १,४०,७२५ रुपये प्रति १० ग्रॅम होता. चांदीचा भावही २,१५,४४० रुपये प्रति किलोवर स्थिरावला.
श्रावण, गणेशोत्सव, नवरात्र, दिवाळी आणि विवाह हंगाम जवळ आल्याने सराफा बाजारात खरेदीचा वेग वाढू लागला आहे. ग्राहकांना आकर्षित करण्यासाठी अनेक ज्वेलर्स मेकिंग चार्जमध्ये सवलत, जुन्या सोन्याच्या बदल्यात नवीन दागिने आणि सुलभ हप्त्यांच्या योजना देत आहेत.
वर्ल्ड गोल्ड कौन्सिलच्या माहितीनुसार, सुरुवातीच्या मंदीनंतर देशात सोन्याच्या दागिन्यांची मागणी पुन्हा वाढत आहे. भारतात दरवर्षी मोठ्या प्रमाणावर सोन्याची आयात केली जाते. सरकार आयात कमी करण्यासाठी प्रयत्नशील असले, तरी भारतीय समाजात सोने हे परंपरा, बचत आणि सुरक्षित गुंतवणुकीचे प्रतीक मानले जात असल्याने दर कमी होताच ग्राहक पुन्हा मोठ्या प्रमाणात खरेदीसाठी पुढे येत असल्याचे स्पष्ट होत आहे.
