मुंबई विमानतळावर नवी सुविधा; काही मिनिटांतच मिळणार आवश्यक वस्तू

 

 Image Source:(Internet)

हवाई प्रवाशांसाठी मोठी दिलासादायक आणि सोयीची बातमी समोर आली आहे. अदानी एअरपोर्ट होल्डिंग्ज लिमिटेड (AAHL) आणि क्विक-कॉमर्स कंपनी ब्लिंकइट यांच्या भागीदारीत मुंबई विमानतळावर (Mumbai airport) एक अभिनव डिलिव्हरी सेवा सुरू करण्यात आली आहे. या सेवेच्या माध्यमातून प्रवाशांना अत्यावश्यक वस्तू काही मिनिटांतच उपलब्ध होणार आहेत.

 

ही सेवा सध्या छत्रपती शिवाजी महाराज आंतरराष्ट्रीय विमानतळाच्या टर्मिनल २ मधील देशांतर्गत उड्डाणांसाठी सुरू करण्यात आली आहे. प्रवास अधिक सुलभ आणि आरामदायी करण्याच्या उद्देशाने ही सुविधा सुरू करण्यात आली असल्याचे सांगितले जात आहे.

 

या नव्या सेवेमुळे प्रवासी आता ब्लिंकइट अ‍ॅपच्या माध्यमातून चार्जर, स्नॅक्स, पुस्तके तसेच वैयक्तिक वापराच्या वस्तू सहजपणे ऑर्डर करू शकतात. ऑर्डर दिल्यानंतर काही मिनिटांतच या वस्तू थेट बोर्डिंग गेट, लाउंज, फूड कोर्ट किंवा विमानतळातील निवडक ठिकाणी पोहोचवल्या जातील.

 

यामुळे विमानतळावर शेवटच्या क्षणी आवश्यक वस्तू शोधण्याची धावपळ कमी होणार असून, प्रवाशांचा अनुभव अधिक सुलभ आणि सोयीस्कर होणार आहे.