‘बॉर्डर 2’ ने बॉक्स ऑफिसवर कमावला 200 कोटींचा गल्ला ; 5 दिवसांत जबरदस्त धुमाकूळ

 

 Image Source:(Internet)

सनी देओल यांच्या मुख्य भूमिकेतील ‘बॉर्डर 2’ (Border 2) या चित्रपटाने केवळ पाच दिवसांतच बॉक्स ऑफिसवर 200 कोटींचा टप्पा पार केला आहे. निर्मात्यांनी बुधवारी याबाबत अधिकृत माहिती दिली आहे.

 

23 जानेवारीला प्रदर्शित झालेल्या ‘बॉर्डर 2’ ने पहिल्या दिवशीच 32.10 कोटी, दुसऱ्या दिवशी 40.59 कोटी, तिसऱ्या दिवशी 57.20 कोटी आणि चौथ्या दिवशी 63.59 कोटींची कमाई केली. पाचव्या दिवशी मात्र 23.31 कोटींची कमाई नोंदवली गेल्यामुळे, एकूण कमाई 216.79 कोटींच्या पुढे गेली आहे.

 

ही चित्रपट 1997 मध्ये प्रदर्शित झालेल्या सनी देओलच्या ‘बॉर्डर’ या ब्लॉकबस्टरचा दुसरा भाग असून, टी-सीरीज आणि जेपी फिल्म्सच्या संयुक्त निर्मितीत आहे.

 

चित्रपटात सनी देओलसोबत वरुण धवन, दिलजीत दोसांझ आणि अहान शेट्टी यांसारखे स्टार कलाकार मुख्य भूमिकेत दिसत आहेत.

 

‘बॉर्डर 2’ हा चित्रपट 1971 च्या भारत-पाक युद्धाच्या पार्श्वभूमीवर बनवण्यात आला आहे.

 

दरम्यान, कथित पाकिस्तान विरोधी संदेशांमुळे हा चित्रपट बहरीन, कुवैत, ओमान, कतर, सौदी अरब आणि संयुक्त अरब अमिराती (यूएई) या काही अरब देशांमध्ये प्रदर्शित होण्यास बंदी घालण्यात आली आहे, असेही समजते.