नागपूर मनपा निवडणूक: प्रभाग ३८ मध्ये काँग्रेसचा विजय; कुमुदिनी गुडधे पाटील ठरल्या विजयी

 

 Image Source:(Internet)

महानगरपालिकेच्या निवडणूक निकालात प्रभाग क्रमांक ३८ मधून काँग्रेसला यश मिळाले आहे. काँग्रेसच्या (Congress) उमेदवार कुमुदिनी प्रफुल्ल गुडधे पाटील यांनी आपल्या प्रतिस्पर्ध्यावर सुमारे २,३०० मतांची निर्णायक आघाडी घेत विजय मिळवला.

 

मतमोजणीच्या प्रत्येक फेरीत कुमुदिनी गुडधे पाटील आघाडीवर राहिल्या. शेवटच्या फेरीत निकाल स्पष्ट होताच काँग्रेस कार्यकर्ते आणि समर्थकांमध्ये आनंदाचे वातावरण पाहायला मिळाले. विजयाची बातमी समजताच प्रभागात जल्लोष सुरू झाला.

 

स्थानिक पातळीवरील प्रश्नांना प्राधान्य देत केलेला प्रचार, नागरिकांशी थेट संवाद आणि विकासाभिमुख भूमिका याचा लाभ त्यांना झाल्याचे राजकीय निरीक्षकांचे मत आहे. या विजयामुळे प्रभाग ३८ मधील राजकीय समीकरणांमध्ये बदल होण्याची शक्यता असून, नागपूर महानगरपालिकेतील काँग्रेसच्या ताकदीत भर पडली आहे.