हिरॉईन नव्हे तर डॉक्टर बनण्याचं होतं अभिनेत्री माधुरी दीक्षितचं स्वप्न!

(Image Source-Internet)  

 

बॉलिवूडमध्ये नृत्यकला, अभिनय आणि सौंदर्याचा मिलाफ म्हटला की, माधुरी दीक्षित (Madhuri Dixit) हे नाव हमखास घ्यावं लागतं. ८० आणि ९० च्या दशकात रुपेरी पडद्यावर माधुरीचा दबदबा होता. तिच्या एकापेक्षा एक सरस चित्रपटांनी प्रेक्षकांच्या मनावर राज्य केलं.

 

मात्र आश्चर्य म्हणजे, माधुरीला कधीच हिरॉईन बनायचं नव्हतं. बारावीनंतर ती वैद्यकीय शिक्षण घेऊन डॉक्टर होण्याचं स्वप्न पाहत होती. लोकांची सेवा करावी, अशी तिची खरी इच्छा होती. पण नियतीने तिच्यासाठी वेगळाच मार्ग ठेवला होता.

 

१९८४ साली ‘अबोध’ या चित्रपटातून माधुरीने रुपेरी पडद्यावर पदार्पण केलं. त्यावेळी तिचं वय केवळ १८-१९ वर्षं होतं. चित्रपटाची ऑफर आल्यानंतर तिनं ती स्वीकारली आणि तिच्या आयुष्याचा प्रवासच बदलून गेला.

 

पण या प्रवासात एक मोठा अडथळा होता—तिचं स्वतःचं कुटुंब. माधुरी अभिनेत्री व्हावी अशी तिच्या घरच्यांची इच्छा नव्हती. मात्र राजश्री प्रोडक्शनच्या लोकांनी तिच्या आईवडिलांना भेटून समजावलं. त्यानंतरच माधुरीला चित्रपटात काम करण्याची परवानगी मिळाली.

 

आज ती रुपेरी पडद्यावरची “धक-धक गर्ल” म्हणून ओळखली जाते, पण सुरुवातीला ती डॉक्टर होण्याचं स्वप्न पाहणारी एक साधी विद्यार्थिनी होती.