शाहरुख खानला 'जवान'साठी राष्ट्रीय पुरस्कार; रोख बक्षीस म्हणून मिळाले फक्त 'एवढे' रुपये

 

 Image Source:(Internet)

 

बॉलिवूडचा बादशाह शाहरुख खान (Shahrukh Khan) याला त्यांच्या बहुचर्चित चित्रपट ‘जवान’ मधील भूमिकेसाठी सर्वोत्कृष्ट अभिनेता हा राष्ट्रीय चित्रपट पुरस्कार मिळाला आहे. ही शाहरुखची कारकीर्दीतील पहिली राष्ट्रीय सन्मानाची गाठ असून, पुरस्कार सोहळा २३ सप्टेंबर रोजी दिल्लीत पार पडला. पुरस्कार राष्ट्रपती द्रौपदी मुर्मू यांच्या हस्ते प्रदान करण्यात आले.

 

राष्ट्रीय पुरस्कारासोबत मिळणारी प्राईज मनी मात्र नेहमीच चर्चेचा विषय राहते. यंदा, राष्ट्रीय पुरस्कार विजेत्यांना प्रत्येकी २ लाख रुपये रोख बक्षीस दिले जाते. मात्र, जेव्हा पुरस्कार दोन कलाकारांमध्ये वाटला जातो, तेव्हा रकमा समान प्रमाणात विभागली जाते. याच पार्श्वभूमीवर, शाहरुख खान आणि ‘१२th फेल’ मधील अभिनेता विक्रांत मेस्सी यांनी संयुक्तपणे हा पुरस्कार मिळवला. त्यामुळे दोन्ही कलाकारांना प्रत्येकी १ लाख रुपये रोख बक्षीस मिळाले.

 

या खास क्षणी शाहरुखसोबत त्यांच्या मॅनेजर पूजा ददलानी, अभिनेत्री राणी मुखर्जी आणि अभिनेता विक्रांत मेस्सी उपस्थित होते. तब्बल ३३ वर्षांच्या करिअरनंतर शाहरुखने राष्ट्रीय पुरस्कारावर आपली मोहोर उमटवली, ज्यामुळे त्यांच्या फॅन्समध्ये आनंदाची लाट पसरली आहे.