जनधन खातेदारांसाठी इशारा; ३० सप्टेंबरपूर्वी Re-KYC न केल्यास खाते होईल फ्रिज!

 

 Image Source:(Internet)

प्रधानमंत्री जनधन योजना (Jan Dhan Account) सुरू होऊन यावर्षी 10 वर्षे पूर्ण होत आहेत. त्यामुळे या योजनेअंतर्गत 10 वर्षे जुनी झालेली खाती Re-KYCशिवाय चालू ठेवता येणार नाहीत. जर ही प्रक्रिया ३० सप्टेंबरपूर्वी पूर्ण केली नाही तर खाते तात्पुरते बंद होईल आणि पैशांची ये-जा तसेच सरकारी अनुदान मिळणे थांबेल.

 

बँक खात्यातील आधी दिलेली माहिती पुन्हा एकदा अद्ययावत करणे म्हणजे Re-KYC.

यामध्ये खातेदाराचा पत्ता, मोबाईल क्रमांक, नाव व फोटो तपासले जातात.

आवश्यक कागदपत्रांमध्ये फक्त आधार कार्ड आणि पत्त्याचा पुरावा एवढीच कागदपत्रे पुरेशी आहेत.

यासाठी सरकारने गावागावात शिबिरे सुरू केली आहेत.

 

सुमारे 10 कोटी जनधन खाती आता 10 वर्षांची पूर्ण झाली आहेत.

चुकीची माहिती दुरुस्त करणे आणि खात्याचा गैरवापर टाळणे यासाठी ही प्रक्रिया महत्त्वाची ठरते.

 

शून्य बॅलन्सवर खाते उघडण्याची मुभा.

खात्यातील ठेवींवर व्याजाची सोय.

१ लाख रुपयांपर्यंत अपघात विमा, तर ३० हजार रुपयांचा जीवन विमा.

खाते चालू ठेवले तर ५ हजार रुपयांपर्यंत ओव्हरड्राफ्टची सुविधा.

थेट पेन्शन व सरकारी योजनांचा लाभ खात्यात.

दरम्यान त्यामुळे खातेधारकांनी ३० सप्टेंबरपूर्वी Re-KYC करून खाते सुरक्षित ठेवणे आवश्यक आहे.