शेतकऱ्यांना १००% नुकसानभरपाई द्या, नाहीतर महाराष्ट्र बंद;मनोज जरांगेचा इशारा:

 

 Image Source:(Internet)

मराठा आरक्षण नेते मनोज जरांगे (Manoj Jarange) पाटील यांनी बुधवारी अतिवृष्टीमुळे नुकसानग्रस्त चिंचपुर ढगे आणि पिंपळगाव परिसराची पाहणी केली. शेतकऱ्यांची परिस्थिती पाहून त्यांनी शेतकऱ्यांना धीर दिला आणि सरकारला तातडीने कारवाई करण्याची मागणी केली.

 

जरांगे म्हणाले की, सरकारने नुकसानाचे पूर्ण प्रमाण न मोजता मदत देण्यात विलंब करू नये. शेतकऱ्यांना त्वरित १०० टक्के आर्थिक मदत मिळावी आणि जनावरांचे मृत्यू किंवा इतर कठीण अटी पाळून मदत थांबवू नये. पिंपळगाव येथील आत्माराम दातखिळे यांना धीर देताना त्यांनी सरकारी अधिकाऱ्यांना आवाहन केले की, पंचनाम्यात ५०–६० टक्के नुकसान मानून कमी मदत दिली गेली तर शेतकऱ्यांना न्याय मिळणार नाही.

 

अतिवृष्टीमुळे उभ्या पिकांचे मोठे नुकसान, घरांची पडझड आणि जनावरांचे मृत्यू झाल्याने शेतकरी हतबल आहेत. जरांगे म्हणाले की, राज्य सरकारने तातडीने मदतकार्य सुरू करावे आणि शेतकऱ्यांना आधार द्यावा. याबाबत ते मुख्यमंत्री सोबत सविस्तर चर्चा करणार आहेत.

 

शेतकऱ्यांना तातडीने मदत न मिळाली तर राज्यातील व्यापक बंदसारखी कृती केली जाऊ शकते, असे जरांगे यांनी इशारासह सांगितले.