लाडकी बहीण योजनेत मोठा घोटाळा उघड; तब्बल २६ लाख अपात्र लाभार्थ्यांचा पर्दाफाश!

(Image Source-Internet) 

 नागपूर :

राज्यातील महिलांसाठी सुरू करण्यात आलेली लाडली बहिण योजना (Ladki Bahin scheme) ही खरी पात्र महिलांपर्यंत पोहोचावी यासाठी महाराष्ट्र सरकारने कठोर कारवाईचा निर्णय घेतला आहे. रविवारी मुख्यमंत्री देवेंद्र फडणवीस यांनी पत्रकार परिषदेत सांगितले की, या योजनेत अपात्र ठरलेल्या तब्बल २६ लाख लोकांची ओळख पटली आहे. या सर्व लाभार्थ्यांना मिळणारा निधी तातडीने थांबवण्यात येणार आहे.

 

मुख्यमंत्र्यांनी स्पष्ट शब्दांत इशारा दिला की, “लाडली बहिण योजना ही गरीब व पात्र महिलांसाठी आहे. काहींनी चुकीची माहिती देऊन किंवा गैरमार्गाने लाभ मिळवण्याचा प्रयत्न केला. त्यांचा पूर्ण तपास करून यादी तयार करण्यात आली असून अशा सर्व लाभार्थ्यांना मिळणारी मदत आता रोखली जाईल.”

 

राज्य सरकारने गेल्या काही महिन्यांपासून या योजनेत पारदर्शकता आणण्यासाठी विशेष मोहीम हाती घेतली होती. या मोहिमेतून लाभार्थ्यांचे कागदपत्र, उत्पन्नाची माहिती, कौटुंबिक स्थिती आदींचा बारकाईने अभ्यास करण्यात आला. तपासणीदरम्यान अपात्र लाभार्थ्यांची मोठी संख्या समोर आली.

 

सरकारच्या म्हणण्यानुसार, या निर्णयामागे हेतू स्पष्ट आहे – खरी पात्र महिला व गरजू कुटुंबीयांपर्यंतच योजनेचा लाभ पोहोचावा. अपात्र व्यक्तींमुळे योजनांचा गाडा बिघडत होता आणि खरी गरज असलेल्या महिलांना न्याय मिळत नव्हता. त्यामुळे अपात्र लाभार्थ्यांना बाहेर काढणे हा सरकारचा मोठा निर्णय ठरला आहे.

 

सरकारचा हा निर्णय म्हणजे केवळ आर्थिक बचतीचा उपाय नाही, तर योजनांचा गैरवापर करणाऱ्यांना दिलेला कडक संदेश देखील आहे. भविष्यात कोणत्याही शासकीय योजनेत चुकीची माहिती दिल्यास किंवा फसवणूक करून लाभ मिळवण्याचा प्रयत्न झाल्यास, तातडीने कठोर कारवाई होईल असा इशाराही फडणवीसांनी दिला आहे. या हालचालीमुळे लाडली बहिण योजनेत शिस्त आणण्याबरोबरच खरी मदत हक्कदार महिलांपर्यंत पोहोचेल, असा विश्वास सरकारने व्यक्त केला आहे.