अभिनेता सिद्धार्थ आणि कियाराच्या घरी लिटील प्रिन्सेसचे आगमन, चाहत्यांमध्ये आनंदाचे वातावरण

 

 (Image Source-Internet)

बॉलिवूडमधील लाडकी जोडी सिद्धार्थ मल्होत्रा (Sidharth Malhotra) आणि कियारा अडवाणी यांच्या घरी आज एक खास आनंदाचा क्षण उजाडला आहे. १६ जुलै २०२५ रोजी कियाराने एका गोंडस मुलीला जन्म दिला असून, हे कपल आता पालक झाले आहे. मुंबईतील रिलायन्स हॉस्पिटलमध्ये कियाराची सामान्य प्रसूती झाली असून आई-बाळ दोघीही ठणठणीत असल्याचे समजते.

 

जरी सिद्धार्थ आणि कियाराकडून अधिकृत घोषणा झाली नसली, तरी ही बातमी समोर येताच सोशल मीडियावर चाहत्यांनी आनंदाचे फटाके फोडायला सुरुवात केली. “बॉलिवूडला नवीन प्रिन्सेस मिळाली!” अशा पोस्ट्सचा सोशल मीडियावर पूर आला आहे. #KiaraBabyGirl आणि #SidharthKiPrincess हे हॅशटॅग ट्रेंड होत आहेत.

 

सिद्धार्थ आणि कियाराने २०२३ मध्ये राजस्थानमधील आलिशान सोहळ्यात लग्न केलं होतं. लग्नानंतर काही महिन्यांत कियाराच्या प्रेग्नंसीची बातमी समोर आली आणि आज त्यांच्या आयुष्यात नवा अध्याय सुरू झाला. 'शेरशाह' चित्रपटात एकत्र काम करताना सुरू झालेली ही केमिस्ट्री आता एका गोड मुलीच्या आगमनाने अधिक दृढ झाली आहे.

 

कियारा अडवाणी लवकरच 'वॉर २' या बहुचर्चित चित्रपटात झळकणार आहे, तर सिद्धार्थचा ‘परम सुंदरी’ हा प्रोजेक्ट लवकरच प्रदर्शित होणार आहे. दोघेही प्रोफेशनली यशाच्या उंचीवर असताना, वैयक्तिक आयुष्यातही त्यांचं नशिब फुललं आहे.

 

या जोडप्याचे वांद्रेतील ७० कोटींचं समुद्रकिनारी घर, महालक्ष्मीतील आलिशान अपार्टमेंट आणि लक्झरी गाड्यांचा ताफा यामुळे ते नेहमीच चर्चेचा विषय ठरले आहेत. मात्र आज त्यांच्या साधेपणाने आणि प्रेमळ नात्याने चाहत्यांच्या मनात आणखीनच स्थान मिळवलं आहे.

 

सध्या सर्वजण त्यांच्या छोट्या राजकन्येचं नाव काय असेल, तिचा पहिला फोटो केव्हा समोर येईल याची आतुरतेने वाट पाहत आहेत. सोशल मीडियावरून शुभेच्छांचा वर्षाव सुरूच आहे.