फंडू ड्रामा आयोजित १८ दिवसीय बाल नाट्य कार्यशाळेचा यशस्वी समारोप

 

फंडू ड्रामाच्या १८ दिवसीय बाल नाट्य कार्यशाळेचा समारोप ७ मे २०२५ रोजी सुरेश भट सभागृहात उत्साहात पार पडला. माधवी कविश्वर यांच्या संस्थापकत्वाखालील फंडू ड्रामा ही संस्था नेहमीच मुलांच्या अभिव्यक्ती क्षमतेवर काम करते.

 

१. पोलीस ऑन टाइम

२. द गुड घोस्ट

३. बुकमार्क्ड

४. थिअरी ऑफ हॅपिनेस

५. डिस्कनेक्ट टू रिकनेक्ट

 

ही सर्व नाटके आश्लेष जामरे यांनी संकल्पित व लेखित केली. त्याचबरोबर त्यांनी आणि आर.जे. प्रीती यांनी मुलांना मार्गदर्शन केले. दिग्दर्शनाचे काम पूनम जैन, अर्पिता यादव, पूर्वी पटेल, ईशान धनविजय आणि स्नेहा खांडारे यांनी कौशल्याने पार पाडले. दिव्या पटेल यांनी रंगीत व आकर्षक वेशभूषा तयार केली, तर केतकी पटेल आणि अक्षय खोब्रागडे यांनी रंगमंच रचनाही प्रभावीपणे साकारली.

 

 

पोलीस ऑन टाइम मध्ये मुलांनी दाखवले की वागणुकीतील छोटे बदल आपल्याला जबाबदार नागरिक बनवू शकतात.

द गुड घोस्ट या विनोदी भयपटातून मुलांनी नागरिक शिस्तीचे महत्त्व स्पष्ट केले.

बुकमार्क्ड मध्ये पुस्तकांशी मैत्री कशी करता येते आणि ती मानवाची सर्वोत्तम मित्र कशी आहेत हे दाखवले.

थिअरी ऑफ हॅपिनेस मध्ये हास्याच्या माध्यमातून खरी आनंदाची व्याख्या आणि साधेपणातच आनंद आहे हे समजावले.

डिस्कनेक्ट टू रिकनेक्ट मध्ये मोबाईलशिवाय खेळण्यासाठी उत्तम पर्याय सादर केले गेले.

 

कार्यक्रमाचे संचालन बाल सूत्रसंचालिका स्वर साठे यांनी अत्यंत उत्कृष्टपणे केले. या सर्व नाटकांमध्ये विनोद असला तरी त्यांनी खोलवर सामाजिक संदेश दिले. कार्यशाळेत मुलांना अभिनय, लेखन, दिग्दर्शन व मेकअप याचे प्रशिक्षण देण्यात आले. अशा भव्य रंगमंचावर काम करण्याची संधी मुलांना आत्मविश्वास देतेच, पण त्यांच्यात जबाबदारीची जाणीवही निर्माण करते. या कार्यक्रमास प्रमुख पाहुणे म्हणून आशिष देशपांडे, जनार्दन लाडे, विशालखा राव आणि अनुष्का गायकवाड यांनी उपस्थिती लावली. रंगीबेरंगी पार्श्वभूमी आणि वेशभूषेमध्ये मुलांच्या जिवंत अभिनयाने प्रेक्षकांचे मन जिंकले.