काश्मीर हल्ल्यात नौसेना अधिकारी विनय नरवाल शहीद

(Image Source : Internet) 

जम्मू-काश्मीरमधील पहलगाम परिसरात झालेल्या दहशतवादी हल्ल्यात हरियाणाच्या करनाल जिल्ह्यातील लेफ्टनंट विनय नरवाल (Vinay Narwal) यांना वीरमरण आलं. काही दिवसांपूर्वीच विवाहबद्ध झालेल्या विनय यांच्या अचानक जाण्याने त्यांची पत्नी हिमांशी हादरून गेली आहे. तिच्या हातावरची मेहंदीही अजून न उतरलेली असतानाच हे दुःखद वार्तालाप घडले.

 

२६ वर्षीय विनय नरवाल यांनी बी.टेक. नंतर भारतीय नौसेनेत भरती होऊन कोच्ची येथील नौसेना तळावर कार्य सुरू केलं होतं. १६ एप्रिल रोजी त्यांनी हिमांशीसोबत विवाह केला. हनिमूनसाठी त्यांनी सुरुवातीला स्वित्झर्लंडची निवड केली होती, पण वीजा मिळण्यात अडथळा आल्यामुळे त्यांनी काश्मीरमध्ये वेळ घालवण्याचा निर्णय घेतला — पण तो निर्णय त्यांच्या जीवनाचा शेवट ठरला.

 

हल्ल्याच्या घटनेत दहशतवाद्यांनी त्यांच्या छाती, मानेवर व हातावर गोळ्या झाडल्या आणि त्यांनी जागीच प्राण गमावले. हिमांशीने सोशल मीडियावर एक व्हिडीओ पोस्ट करत घटनेची माहिती दिली. “आम्ही केवळ भेलपुरी खात बसलो होतो, तेवढ्यात एक बंदूकधारी पुढे आला आणि विचारलं ‘तू मुस्लिम आहे का?’ मग त्याने थेट गोळी झाडली,” असं ती अश्रूंनी भरल्या स्वरात सांगते.

 

विनय हे त्यांच्या पालकांचे एकुलते अपत्य होते. त्यांच्या निधनामुळे संपूर्ण गावावर शोककळा पसरली आहे. विनयचे आजोबा, हवा सिंह नरवाल यांनी हरियाणाचे मुख्यमंत्री नायब सैनी यांच्याशी बोलून दहशतवादाचा कायमचा नायनाट करण्याची मागणी केली आहे.