नागपुरातील रामनगर परिसरात भाजी विक्रेत्याकडून गॅरेज चालवणाऱ्या तरुणाची हत्या

 

 (Image Source : Internet)

अंबाझरी पोलिस ठाण्याअंतर्गत येणाऱ्या रामनगर चौकात दिवसाढवळ्या एकाची हत्या करण्यात आली. एका भाजी विक्रेत्याने त्याच्या सहकाऱ्यासह फूटपाथवर दुकान थाटण्यावरून झालेल्या वादातून गॅरेज चालकाची हत्या केली. या घटनेमुळे परिसरात एकच खळबळ उडाली. पोलिसांनी तात्काळ कारवाई करत एका आरोपीला अटक करत तपासाला सुरुवात केली आहे.

 

अंबाझरी पोलीस ठाण्याअंतर्गत येणाऱ्या रामनगर चौकात दिवसाढवळ्या हत्येची ही घटना घडली. मृताचे नाव विशाल निकोसे (३७) असे आहे, तो पांडाराबोडी येथील रहिवासी होता, तर आरोपींमध्ये किशन रमेश तिवारी आणि त्याचा मित्र नीलेश सार सरोदय यांचा समावेश आहे. मृत विशाल हा गेल्या १८ वर्षांपासून रामनगरमधील फूटपाथवर गॅरेज चालवत होता तर आरोपी किशन तिवारी गेल्या ७ वर्षांपासून त्याच्या शेजारी भाजीपाल्याचे दुकान चालवत होता.

 

गेल्या एक वर्षापासून या जागेवरून त्यांचा वाद सुरू असल्याचे सांगण्यात येत आहे. शुक्रवारी दुपारीही त्यांच्यात वाद झाला आणि त्याच वादातून किशनने त्याचा मित्र नीलेशसह विशालवर लोखंडी रॉडने हल्ला केला. डोक्याला गंभीर दुखापत झाल्यामुळे, विशाल जागीच मृत्यू झाला.

 

या घटनेनंतर रामनगर चौकात गोंधळ उडाला आणि आरोपी घटनास्थळावरून पळून गेले. घटनेची माहिती मिळताच अंबाझरी पोलिसांचे पथक घटनास्थळी पोहोचले. पोलिसांनी हत्येत सहभागी असलेल्या किशन तिवारीला ताब्यात घेतले असून त्याच्या साथीदाराचा शोध सुरु केला आहे.