भूकंपाच्या धक्क्यांनी हादरला थायलंड; बँकॉकसह म्यानमारमधील बिल्डिंग थरारल्या, नागरिक दहशतीत

 

 (Image Source : Internet)

थायलंडची राजधानी बँकॉकसह म्यानमारमध्ये भूकंपाच्या (Earthquake) तीव्र झटके पाहायला मिळाले. हवामान विभागाच्या माहितीनुसार, रिक्टर स्केलवर याची तीव्रता ७.७ नोंदवली गेली. बँकॉकसह म्यानमारमधल्या बिल्डिंग थरारल्या.लोक रस्त्यावर सैरावैरा पळाले. या तीव्र भूकंपामुळे स्थानिक नागरिकांमध्ये भीतीचे वातावरण आहे. या भूकंपामुळे दोन्ही देशांमध्ये किती वित्त आणि जीवितहानी झाली आहे, याची माहिती अद्याप मिळू शकलेली नाही.

 

टेक्टोनिक प्लेट्सची हालचाल: पृथ्वीचा पृष्ठभाग अनेक प्लेट्सपासून बनलेला आहे, ज्या सतत अतिशय मंद गतीने फिरत असतात. जेव्हा या प्लेट्स एकमेकांवर आदळतात किंवा वेगळ्या होतात तेव्हा भूकंप होतो.

 

ज्वालामुखीचा उद्रेक: जेव्हा ज्वालामुखीचा उद्रेक होतो तेव्हा त्यातील वायू आणि मॅग्मा बाहेर पडतात, ज्यामुळे आजूबाजूची जमीन हादरू शकते आणि भूकंप होऊ शकतात.

 

खाणकाम आणि स्फोट: कोळसा, तेल किंवा इतर खनिजांसाठी खोलवर खोदकाम करणे किंवा मोठे स्फोट करणे यामुळे देखील पृथ्वीची हालचाल होऊ शकते, ज्यामुळे भूकंप होऊ शकतात.

 

पृथ्वीच्या आत वायूंचा दाब: जेव्हा पृथ्वीच्या आत असलेले वायू किंवा द्रव उच्च दाबाखाली असतात आणि अचानक बाहेर पडतात तेव्हा पृथ्वी हादरू शकते.

 

भूस्खलन आणि हिमनदी तुटणे: पर्वतांवरून मोठे खडक पडणे किंवा हिमनदी तुटणे यामुळे देखील भूकंपासारखे हादरे बसू शकतात.