नागपूर जवळच्या सावनेर येथे भीषण अपघात; भरधाव कारची ट्रकला धडक, तीन जण गंभीर जखमी

 

 (Image Source : Internet)

जिल्ह्यातील सावनेर पोलीस ठाण्याअंतर्गत येणाऱ्या हेटी चौकीजवळ मंगळवारी दुपारी १२ वाजण्याच्या सुमारास भीषण अपघाताची घटना घडली. रस्त्याच्या कडेला उभ्या असलेल्या ट्रकला एका भरधाव वेगाने येणारी कार धडकली, ज्यामध्ये कारमधील तीन जण गंभीर जखमी झाले. जखमींपैकी एकाची प्रकृती चिंताजनक असून तर इतर दोघांवर रुग्णालयात उपचार सुरू आहेत.

 

माहिती मिळताच सावनेर पोलिसांनी तात्काळ घटनास्थळी धाव घेतली आणि स्थानिक नागरिकांच्या मदतीने जखमींना बाहेर काढून रुग्णालयात नेले.

 

तथापि, अपघातस्थळाजवळील ढाब्याच्या कर्मचाऱ्यांनी पोलिसांना माहिती देण्यास उशीर केला ज्यामुळे जखमींना वेळेवर मदत मिळू शकली नाही. प्रत्यक्षदर्शींच्या मते, अपघात अत्यंत भीषण होता आणि धडकेनंतर कारचे मोठे नुकसान झाले.

 

सावनेर पोलिसांनी या प्रकरणाचा तपास सुरू केला असून अपघाताची कारणे शोधण्यासाठी आवश्यक ती कारवाई केली जात आहे. सुरुवातीच्या तपासात अपघाताचे कारण जास्त वेग असल्याचे मानले जात आहे, परंतु इतर संभाव्य कारणांचाही तपास केला जात आहे.