नागपुरात पतीने पत्नीसह मुलावर चाकूने हल्ला करत केला आत्महत्येचा प्रयत्न!

 

 (Image Source : Internet)

शहरातील नागपूरच्या नंदनवन परिसरात एक हृदयद्रावक घटना उघडकीस आली आहे. पतीने आपल्या पत्नीसह मुलावर चाकूने हल्ला करत स्वतः आत्महत्या करण्याचा प्रयत्न केल्याने खळबळ उडाली. पोलिसांनी तिन्ही जखमींना उपचारासाठी मेडिकल हॉस्पिटलमध्ये दाखल केले.

 

ही घटना जुना बगडगंज परिसरात घडली. आरोपी पती ३६ वर्षीय रवी नांदुरकर आहे. तो दुचाकी वाहनांचे सीट कव्हर आणि शूज शिवण्याचे काम करतो. त्याने पहाटे ४ वाजता पत्नी पिंकीवर चाकूने हल्ला करून तिला गंभीर जखमी केले. आवाज ऐकून मुलगा पीयूष जागा झाला आणि त्याने वडिलांना थांबवण्याचा प्रयत्न केला, परंतु नांदुरकरने त्याच्यावरही चाकूने हल्ला केला. यात मुलाचे बोट कापले गेले आहे. या घटनेची माहिती मिळताच घरमालकाने पोलिसांनी कळविले.

 

नंदनवन पोलिसांनी घटनास्थळी पोहोचून तिन्ही जखमींना रुग्णालयात नेले, जिथे आरोपीची पत्नी पिंकीची प्रकृती गंभीर असल्याचे सांगण्यात येत आहे.

 

अंधश्रद्धेतून आरोपी रवी नांदुरकर याने हा हल्ला केल्याचे समोर आले आहे. पोलिसांनी प्रकरणाचा पुढील तपास सुरु केला आहे.