महाराष्ट्रात नोव्हेंबरअखेर हवामानात उलटफेर; मुंबई–कोकणात पावसाची शक्यता वाढली

 

 Image Source:(Internet)

नोव्हेंबरचा (November) शेवट जवळ येत असताना राज्यात थंडीची चाहूल लागली असली तरी आज हवामानात अचानक बदल जाणवण्याची शक्यता हवामान विभागाने व्यक्त केली आहे. मुंबई महानगर क्षेत्रासह कोकणातील काही जिल्ह्यांत हलक्या पावसाचा अंदाज देण्यात आला आहे. सकाळच्या गारव्याचा जोर काहीसा कमी होईल, तर वातावरण ढगाळ राहण्याची शक्यता आहे.

 

मुंबई, ठाणे आणि नवी मुंबईत सकाळपासूनच ढगाळ वातावरण राहू शकते. दुपारी काही वेळा रिमझिम ते मध्यम पावसाच्या सरी येण्याची शक्यता हवामान खात्याने वर्तवली आहे. पावसामुळे रस्ते घसरट होऊ शकतात आणि दृश्यमानतेत घट होण्याचीही शक्यता आहे.

 

कोकणातील रायगड, रत्नागिरी आणि सिंधुदुर्ग जिल्ह्यांमध्येही वातावरण ढगाळ राहणार असून अधूनमधून रिमझिम पाऊस पडू शकतो. समुद्रकिनाऱ्यांवर ओलसर हवा जाणवेल आणि दृश्यमानतेत घट होऊ शकते.दुसरीकडे पालघर जिल्ह्यात हवामान स्थिर राहील. थंडी नेहमीप्रमाणे जाणवेल आणि आज येथे पावसाची शक्यता नाही.हवामानातील हा बदल पुढील काही दिवस कायम राहू शकतो, असा अंदाज हवामान तज्ज्ञांनी व्यक्त केला आहे.