कारच्या किंमती घसरतील; नितीन गडकरींनी केली मोठी घोषणा

 

 Image Source:(Internet)

केंद्रीय मंत्री नितीन गडकरी (Nitin Gadkari) यांनी सर्वसामान्यांसाठी दिलासा देत मोठा निर्णय घेतला आहे. त्यांनी जाहीर केले की, इलेक्ट्रिक कारच्या (EV) किंमती पुढील काही महिन्यात पेट्रोल कारच्या किंमतीसारखी कमी केल्या जातील.

 

गडकरींनी सांगितले की, येत्या 4 ते 6 महिन्यांत ही बदल लागू होतील. यामुळे इलेक्ट्रिक कारच्या किंमतीत मोठी घट होईल आणि ऑटोमोबाईल सेक्टरवरही सकारात्मक परिणाम दिसून येईल. तसेच, इंधन आयातावरील खर्चही कमी होणार आहे, ज्यामुळे देशाची अर्थव्यवस्था मजबूत होईल.

 

इलेक्ट्रिक कारच्या किमती कमी होण्यामागचे कारण-

नितीन गडकरी यांनी स्पष्ट केले की, सरकार बॅटरी टेक्नॉलॉजी, चार्जिंग इन्फ्रास्ट्रक्चर आणि घरगुती मॅन्युफॅक्चरिंगला प्रोत्साहन देत आहे. या उपायांमुळे इलेक्ट्रिक वाहनांच्या किंमती कमी होण्यास मदत होईल.

 

गडकरींनी सांगितले, “भारताला आर्थिकदृष्ट्या आत्मनिर्भर बनवायचे असल्यास फॉसिल फ्युएलवर अवलंबून राहणे टाळावे लागेल. सध्या भारत दरवर्षी 22 लाख कोटी रुपयांचे इंधन आयात करतो. इलेक्ट्रिक वाहनांचा वापर वाढल्यास हा खर्च लक्षणीयरीत्या कमी होईल.”

 

याशिवाय, इलेक्ट्रिक वाहनांच्या वाढत्या वापरामुळे पर्यावरणासह रोजगारनिर्मितीवरही मोठा परिणाम होईल. रिसायक्लिंग, स्थानिक मॅन्युफॅक्चरिंग आणि गुंतवणूक यामध्ये वाढ होऊन भारत जगात EV हब बनण्याच्या मार्गावर उभा राहणार आहे.