बिहार विधानसभा निवडणूक;6 व 11 नोव्हेंबरला दोन टप्प्यात मतदान,निकाल 14 नोव्हेंबरला जाहीर!

 

 Image Source:(Internet)

पटना:

बिहार (Bihar) विधानसभा निवडणुकीसाठी निवडणूक आयोगाने अधिकृत घोषणा केली आहे. राज्यातील 243 सदस्यांच्या विधानसभेसाठी मतदान दोन टप्प्यात होणार आहे. पहिला टप्पा 6 नोव्हेंबर, दुसरा 11 नोव्हेंबर आणि मतमोजणी 14 नोव्हेंबर रोजी होईल. विधानसभेचा कार्यकाळ 22 नोव्हेंबरला संपेल.

 

मुख्य निवडणूक आयुक्त ज्ञानेश कुमार यांनी सांगितले की, 7.42 कोटी मतदार यावेळी मतदान करतील, त्यात 3.92 कोटी महिला आणि 3.5 कोटी पुरुष आहेत. यावर्षी 14 लाख मतदार पहिल्यांदाच मतदान करणार आहेत. प्रत्येक मतदान केंद्रावर सरासरी 1200 मतदार असतील. वृद्ध मतदारांसाठी रॅम्प आणि व्हीलचेअरची व्यवस्था करण्यात आली आहे.

 

निवडणूक आयोगाने Net-One अॅप सुरू केले असून, यामुळे सर्व निवडणूक प्रक्रियांचे रिअल-टाइम निरीक्षण करता येईल. खोट्या बातम्यांविरुद्ध तत्काळ कारवाई आणि हिंसाचाराला शून्य सहनशीलता असे आदेश दिले आहेत.

 

बिहारमध्ये विधानसभा निवडणुका 1952 पासून विविध टप्प्यात पार पडल्या आहेत. 1969, 1972, 1977, 1980 आणि 2005 मध्ये राज्यात राष्ट्रपती राजवट लागू झाली होती. 2005 मध्ये कोणत्याही पक्षाला बहुमत मिळाल्यानंतरही सरकार स्थापन होऊ शकले नाही, त्यामुळे राष्ट्रपती राजवट लागू करण्यात आली होती.