गुजरातमध्ये मंत्रिमंडळ विस्तार; हर्ष संघवी उपमुख्यमंत्री, रीवाबा जडेजा यांच्यासह 25 मंत्री शपथबद्ध!
Total Views |
Image Source:(Internet)
गांधीनगर:
गुजरातच्या (Gujarat) राजकारणात आज एक मोठा वळण आलं आहे. मुख्यमंत्री भूपेंद्र पटेल यांच्या नेतृत्वाखाली नव्या मंत्रिमंडळाचा शपथविधी सोहळा गांधीनगरच्या महात्मा मंदिरात पार पडला. या विस्तारात राज्यातील राजकीय, सामाजिक आणि भौगोलिक संतुलन राखण्याचा स्पष्ट प्रयत्न दिसतो.
नव्या मंत्रिमंडळात एकूण २५ मंत्री शपथबद्ध झाले आहेत. हर्ष संघवी यांनी उपमुख्यमंत्री म्हणून शपथ घेतली, तर जामनगर उत्तरच्या आमदार रीवाबा जडेजा यांनी पहिल्यांदाच मंत्रीपद स्वीकारले. त्या सुप्रसिद्ध क्रिकेटपटू रवींद्र जडेजा यांच्या पत्नी आहेत आणि केवळ ३५ वर्षे वयाने राजकारणात मोठा पाऊल टाकले आहे.
मोरबीचे आमदार कांतिलाल अमृतिया, अरावलीचे पी.सी. बरंडा, कच्छचे त्रिकम छंगा, नवसारीचे नरेश पटेल, वावचे स्वरूपजी ठाकोर आणि डीसा मतदारसंघाचे प्रवीण माली यांसारख्या नेत्यांनीही शपथ घेतली. या नेत्यांचा समावेश करून मंत्रिमंडळात अनुभव, युवा ऊर्जा आणि विविध समाजांचे प्रतिनिधित्व यांचा संतुलन राखण्यात आला आहे.
मंत्रिमंडळ विस्तारात जातीय संतुलनावर विशेष भर देण्यात आला आहे. आठ पाटीदार, आठ ओबीसी, चार आदिवासी, तीन अनुसूचित जातीचे आणि एक ब्राह्मण नेता मंत्रिमंडळात आहेत. जैन समाजाचे प्रतिनिधी म्हणून हर्ष संघवी आणि क्षत्रिय समाजाचे प्रतिनिधी म्हणून रीवाबा जडेजा यांना मंत्रिपद मिळाले आहे.
माजी मंत्र्यांमध्ये राघवजी पटेल, बलवंतसिंह राजपूत, कुबेरभाई डिंडोर, मुलुभाई बेरा, भानुबेन बाबरिया, जगदीश विश्वकर्मा, मुकेश पटेल, भीखूसिंह परमार, कुंवरजीभाई हलपती आणि बच्चू खाबर यांना बाहेर ठेवण्यात आले आहे.
राज्यातील हा मंत्रिमंडळ विस्तार २०२७ च्या विधानसभा निवडणुकीसाठी रणनीतीच्या पार्श्वभूमीवर महत्त्वाचा मानला जात आहे. यात जातीय आणि प्रादेशिक संतुलन राखत नव्या नेतृत्वाला पुढे आणण्याचा प्रयत्न स्पष्ट दिसतो. शपथविधी सोहळ्यास राज्यपाल आचार्य देवव्रत, मुख्यमंत्री भूपेंद्र पटेल आणि भाजपचे राष्ट्रीय अध्यक्ष जेपी नड्डा उपस्थित होते.
