महाराष्ट्रावर पुन्हा पावसाचे संकट;15 ऑक्टोबरपासून जोरदार पाऊस होण्याची शक्यता
13 Oct 2025 17:06:06
Image Source:(Internet)
नागपूर :
या वर्षीचा मान्सून हंगाम संपत चालला असतानाही महाराष्ट्रात पावसाने विश्रांती घेतलेली नाही. मे महिन्याच्या शेवटी राज्यभर जोरदार पाऊस (Heavy rain) सुरू झाला, जून-जुलैमध्ये मध्यम प्रमाणात पावसाची नोंद झाली, तर ऑगस्टमध्ये अनेक भागांत मुसळधार पावसाने हालहवाल निर्माण केली.
सप्टेंबरमध्ये पावसाचा काहीसा थांब होईल अशी अपेक्षा होती, परंतु विदर्भ, मराठवाडा आणि मध्य महाराष्ट्रातील अनेक भागांत पावसाने जोर राखला. यामुळे शेतकऱ्यांना मोठे नुकसान सहन करावे लागले, पिकं पाण्याखाली गेले, घरांमध्ये पाणी शिरले आणि घरगुती प्राण्यांसमोर धोक्याची परिस्थिती निर्माण झाली.
हवामान खात्याने 15 ऑक्टोबरपासून राज्यात पुन्हा एकदा मुसळधार पावसाची शक्यता वर्तवली आहे. अंदाजानुसार, विदर्भ, मराठवाडा आणि मध्य महाराष्ट्रात दुपारी वीजसह पाऊस पडण्याची शक्यता आहे, तर काही भागांत वारा आणि विजाही चमकू शकते. राज्य सरकारने शेतकऱ्यांना आपली पिकं सुरक्षित ठेवण्याचे आणि हवामानातील अचानक बदलांपासून संरक्षण करण्याचे आवाहन केले आहे.
IMDच्या अंदाजानुसार, खान्देश आणि पश्चिम महाराष्ट्रातही मुसळधार पावसाची शक्यता आहे. काही दिवसांपूर्वी हवामान कोरडे झाल्यामुळे मान्सून संपल्याची चर्चा सुरू होती, पण आता परिस्थिती अचानक बदलू शकते. मुंबई, पुणे आणि मराठवाडा यासह अनेक भागांमध्ये मान्सून संपल्याची चर्चा चालू असताना, हवामान खात्याने 15 ऑक्टोबरपासून जोरदार पाऊस आणि मेघगर्जनेसह हवामान बदलू शकतो, अशी माहिती दिली आहे. नागरिकांनी सतर्क राहणे आवश्यक आहे.