Nagpur : इंडियन इन्स्टिट्यूट ऑफ इन्फॉर्मेशन टेक्रॉलॉजी नागरिकांसाठी समर्पित

 

 (Image Source : Internet/ Representative)

 

इंडियन इन्टिट्यूट ऑफ इन्फॉर्मेशन टेक्रॉलॉजी, नागपूर (Indian Institute of Information Technology) 24 फेब्रुवारी 2024 रोजी औपचारिकपणे आपला स्थायी परिसर लोकांसाठी समर्पित करणार आहे. पत्रकार परिषदेदरम्यान डॉ. ओ. जी. काकडे, चेअरमन, बोर्ड ऑफ गव्हर्नर्स आणि डायरेक्टर नागपूर यांनी माहिती दिली की प्रकल्पाचे बांधकाम नोव्हेंबर 2018 मध्ये सुरू करण्यात आले होते. तथापि, जागतिक तसेच राष्ट्रीय स्तरावर कोविड-19 साथीच्या रोगाचा प्रसार झाल्यामुळे उद्भवलेल्या विलक्षण परिस्थितीमुळे आणि त्यानंतर एका किंवा अन्य कारणामुळे संस्थेला कैम्पसच्या उद्घाटनाची योजना करता आली नाही.

 

आता, संस्था 24 फेब्रुवारी 2024 रोजी भारत सरकारचे माननीय केंद्रीय रस्ते वाहतूक आणि महामार्ग मंत्री नितीन गडकरी यांच्या शुभ हस्ते कैम्पस औपचारिकपणे लोकांसाठी समर्पित करेल. उपमुख्यमंत्री देवेंद्र फडणवीस आणि खासदार कृपाल तुमाने हे देखील या शुभप्रसंगी सामील होणार आहेत. उल्लेखनीय आहे की 14 एप्रिल 2017 रोजी भारताचे पंतप्रधान नरेंद्र मोदी यांच्या हस्ते संस्थेच्या स्थायी परिसराची पायाभरणी करण्यात आली.

 

 

 

आयआयआयटी, नागपूरला बुटीबोरीजवळील वारंगा गावात 100 एकर जमीन देण्यात आली आहे. शैक्षणिक ब्लॉक (ग्राउंड 5 मजले), वसतिगृह ब्लॉक (ग्राउंड 10 मजले), प्रभासकीय ब्लॉक (ग्राउंड 2 मजले) आणि निवासी ब्लॉक (ग्राउंड 11 मजले) यांचा समावेश असलेला कैम्पसचा पहिला टप्पा पूर्ण आणि व्यापलेला आहे. सुसज्ज वर्ग खोल्या, प्रयोगशाळा, सेमिनार हॉल, कॉन्फरन्स हॉल, नायब्ररी, रीडिंग रूम, कैफेटेरिया, 24 तास वायफाय, इ. संस्थेकडे आहे. होस्टल ब्लॉकमध्ये अत्याधुनिक व्यायामासह व्यायामशाळा आहे. मुलांसाठी तसेच मुलींसाठी उपकरणे, बैडमिंटन कोर्ट, बास्केटबॉल कोर्ट, व्हॉलीबॉल कोर्ट, खेळाचे मैदान, रात्रीचे कॅन्टीन, रोजच्या गरजेचे दुकान इ. संस्थेकडे आहे.

 

कॅम्पसमध्ये ओपन थिएटर, कारंजे, अंतर्गत रस्ते, वृक्षारोपण आणि लॉन्स, लैंडस्केपिंग, पार्किंग इ. यासह पूर्णपणे फंक्शनल इलेक्ट्रिक सबस्टेशन, डिझेल जनरेटर सेट, पाणी ट्रीटमेंट प्लांट, सीवेज ट्रीटमेंट प्लांट इ. संस्थेमध्ये सुविधा उपलब्ध आहेत. डॉ. ओ. जी. काकडे यांनी माहिती दिली की संस्थेचा पाया स्थिर प्रशासकीय यंत्रणा, उत्कृष्ट शैक्षणिक संरचना, व्हायब्रेट फैकल्टी टीम आणि चांगल्या पायाभूत सुविधांनी यशस्वीरित्या घातला गेला आहे. आता संस्था आणखी एका शैक्षणिक ब्लॉकचा विकास आणि अतिरिक्त वसतिगृह सुविधेसह आणखी विस्ताराची योजना आखत आहे. पत्रकार परिषदेला श्री कैलास दाखले, कुलसचिव, श्री मयूर पराते, असोसिएट डीन आणि प्राध्यापक डॉ. तपन जैन, उपस्थित होते.