इस्रायल- हमास-हिजबुल्लाह युद्ध चिघळत; इस्रायलने गाझावर केलेल्या हल्ल्यात 25 जण ठार
Total Views |
(Image Source : Internet)
एबी न्यूज नेटवर्क :
इस्रायल आणि हमास-हिजबुल्लाह (Israel Hamas Hezbollah) यांच्यातील युद्ध दिवसेंदिवस चिघळत चालले आहे. गाझा केंद्रावर इस्रायलने केलेल्या हल्ल्यात 25 जण ठार झाले. मृतांमध्ये पाच मुलांचा समावेश आहे. याआधी गुरुवारी नुसीरत येथील निर्वासितांच्या छावणीवर झालेल्या दोन हल्ल्यांमध्ये 16 जणांचा मृत्यू झाला होता. दुसरीकडे, इस्रायलने लेबनॉनमध्येही वाईट वर्तन केले. जिथे हवाई हल्ल्यात 13 लोक मारले गेले.
इस्त्रायली हवाई दलाने गुरुवारी-शुक्रवारी रात्री राजधानी बेरूतच्या दक्षिणेकडील भागात अनेक हवाई हल्ले केले. या हल्ल्यांमध्ये अनेक इमारती उद्ध्वस्त झाल्या. ढिगाऱ्याखाली अनेक जण दबले गेल्याची भीती व्यक्त केली जात आहे.
दरम्यान, अमेरिकन मुत्सद्दी लेबनॉनमध्ये युद्धबंदीसाठी वाटाघाटी करण्यासाठी सक्रिय आहेत. आपल्या मागण्या मान्य झाल्यास युद्धविराम होऊ शकतो, असे संकेतही इस्रायलने दिले आहेत.
इस्रायली सैन्याने सांगितले की, त्यांनी खान युनिस येथे हवाई हल्ल्यात हमासचा आणखी एक वरिष्ठ अधिकारी इज्ज अल-दिन कसाब ला ठार केले आहे. पॅलेस्टिनी गटाने एका निवेदनात कसाबच्या हौतात्म्याबद्दल शोक व्यक्त केला आहे. हमासच्या सूत्रांनी सांगितले की, कसाब गाझामधील स्थानिक गटाचा अधिकारी होता.
