अभिनेता सलमान खानला पुन्हा जीवे मारण्याची धमकी; मागितली 2 कोटींची खंडणी
Total Views |
(Image Source : Internet)
एबी न्यूज नेटवर्क :
बॉलिवूड अभिनेता सलमान खानला पुन्हा एकदा जीवे मारण्याची धमकी आली आहे. यावेळी हल्लेखोराने दोन कोटी रुपयांची खंडणी मागितली आणि पैसे न मिळाल्यास सलमान खानची हत्या करू, अशी धमकी दिली आहे.
मुंबई वाहतूक पोलिसांच्या नियंत्रण कक्षाला अज्ञात व्यक्तीने ही धमकी दिल्याचा संदेश मिळाला. ज्यात दमदाटीपणाने 2 कोटी रुपयांची मागणी केली आहे. पैसे न मिळाल्यास सलमान खानला मारून टाकू, असेही संदेश पाठवणाऱ्या व्यक्तीने सांगितले होते, असे एका अधिकाऱ्याने सांगितले. हा धमकीचा मेसेज मिळाल्यानंतर मुंबईच्या वरळी पोलिस ठाण्यात अज्ञात व्यक्तीविरोधात गुन्हा दाखल करण्यात आला असून पोलिसांनी या प्रकरणाचा तपास सुरू केला आहे.
याआधी मंगळवारीही सलमान खान आणि महाराष्ट्राचे माजी मंत्री बाबा सिद्दीकी यांचा आमदार मुलगा झीशान सिद्दीकी यांना जीवे मारण्याच्या धमक्या आल्या होत्या. याप्रकरणी पोलिसांनी एकाला अटक केली. झीशान आणि सलमान खान या दोघांना धमकावून पैशांची मागणी करण्यात आली होती.
