24 लाखांचे बक्षीस असलेल्या ६ नक्षलवाद्यांचे आत्मसमर्पण; महिलांचा समावेश
Total Views |
(Image Source : Internet/ Representative)सुकमा :
छत्तीसगडच्या नक्षलग्रस्त सुकमा जिल्ह्यात 24 लाखांचे बक्षीस असलेल्या सहा नक्षलवाद्यांनी सुरक्षा दलांसमोर आत्मसमर्पण केले आहे. पोलिस अधिकाऱ्यांनी शुक्रवारी ही माहिती दिली. पोलीस अधिकाऱ्यांनी सांगितले की, जिल्ह्यात सक्रिय असलेल्या कमला उर्फ बंदी दुधी, पवन उर्फ कमलू हेमला, बंडू उर्फ बंदी सोडी, महिला माडवी उर्फ नागुल सुशीला, कुंजम रोशन उर्फ महादेव आणि दशरू उर्फ कोटेश सोडी या सहा नक्षलवादी महिलांनी सुरक्षा दलांसमोर आत्मसमर्पण केले आहे.
नक्षलवादी कमला सिल्गर ही एलओएसची कमांडर असून तिच्यावर 5 लाख रुपयांचे बक्षीस आहे. नक्षलवादी हा पवन हा एरिया कमिटीचा सदस्य असून त्याच्यावर पाच लाखांचे बक्षीसही आहे. नक्षलवादी बंडू आणि माडवी यांच्यावर प्रत्येकी 5 लाख रुपये आणि कुंजम आणि दशरू यांच्यावर प्रत्येकी 2 लाख रुपयांचे बक्षीस जाहीर करण्यात आले आहे.
आत्मसमर्पण केलेल्या नक्षलवाद्यांना प्रत्येकी 25,000 रुपयांची प्रोत्साहनपर रक्कम देण्यात आल्याचे अधिकाऱ्यांनी सांगितले. त्यांना छत्तीसगड सरकारच्या पुनर्वसन धोरणांतर्गत मदत आणि इतर सुविधा पुरविल्या जातील. सरकारच्या धोरणांमुळे प्रभावित झालेले नक्षलवादी सुरक्षा दलांसमोर आत्मसमर्पण करत आहेत. आत्मसमर्पण करणाऱ्या नक्षलवाद्यांना नव्या सुरुवातीसाठी सरकारकडून मदत मिळते, असे अधिकाऱ्यांनी सांगितले आहे.
