शिवसेनेचे उमेदवार निवडून आणण्यासाठी जास्त प्रयत्न असणार - चंद्रशेखर बावनकुळे

 

नागपूर : भाजपा-शिवसेना युती खूप घट्ट आहे. जागांचे वाटपही योग्य पद्धतीने केले जाईल. आमचे जास्त प्रयत्न शिवसेनेचे उमेदवार निवडून आणण्यासाठी असणार आहेत, असे भाजपाचे प्रदेशाध्यक्ष आमदार चंद्रशेखर बावनकुळे म्हणाले. आज कोरडी येथील निवास्थानी ते पत्रकारांशी बोलत होते.

 

 

 

महाराष्ट्रातील ४५ हून अधिक लोकसभा आणि २०० हून अधिक विधानसभा मतदारसंघात आम्ही युतीचे उमेदवार निवडून आणणार आहोत. केंद्र आणि राज्य सरकारच्या विकासकामांची यादी आमच्याकडे आहे. पंतप्रधान नरेंद्र मोदी आणि महाराष्ट्रातील शिंदे-फडणवीस सरकार वेगाने काम करत आहे, असेही बावनकुळे म्हणाले.

 

लवकरच आम्ही घर चलो अभियान सुरू करणार आहोत. लोकसभा निवडणुकीत साडेतीन हजारांच्या घरात जाणार आहोत. महाविकास आघाडीचा पराभव करून भाजपा-शिवसेना युती निवडून येईल, असा विश्वास त्यांनी व्यक्त केला. भाजपा मंत्रिमंडळाचा विस्तार लवकर करत नसल्याने मुख्यमंत्री एकनाथ शिंदे नाराज असून नाराजी व्यक्त करण्यासाठी किंवा भाजपावर दबाव टाकण्यासाठी ते रजेवर काश्मीरला गेल्याचा आरोप होत आहे. याबाबत बावनकुळे यांना विचारले असता ते म्हणाले की, सकाळी काहीतरी सेट केल्यानंतर दिवसभर चालवण्यासाठी बातमी दिली जाते. प्रत्येकाचे एक कुटुंब आहे, एक कुटुंब आहे. प्रत्येकाने कुटुंबासाठी वेळ काढला पाहिजे. ते म्हणाले की, नेते आपला संपूर्ण वेळ समाजासाठी देतात आणि एकदा नेते कुटुंबासह दोन-चार दिवसांच्या रजेवर गेले की समाजालाही हे समजते. 2024 मध्ये आम्ही केंद्रात सत्तेत येऊ.

 

भाजपाचा बजरंगबली कर्नाटकात चालला नाही, महाराष्ट्रात भाजपाने औरंगजेब काढला, या संजय राऊत यांच्या वक्तव्याबाबत विचारले असता त्यांनी पुन्हा नितेश राणेंवर बोट दाखवले. भाजपाच्या निवडणूक प्रमुखांची यादी जाहीर झाली आहे. काही मतदारसंघात निवडणूक प्रमुख केले आहे, ते स्वतः निवडणूक लढवण्याच्या तयारीत आहेत. ज्यांना आम्ही निवडणूक प्रमुख केले ते उमेदवारीच्या शर्यतीत नाहीत. निवडणूक प्रमुख म्हणून आम्ही सक्षम आणि आक्रमक चेहरे दिले आहेत, असे आमदार बावनकुळे म्हणाले.