रेडिओ ऑरेंज, एएम सिनेमाचा अभिनव उपक्रम 'माझा मराठी सिनेमा'

नागपुरातील मनीष नगर स्थित एएम सिनेमा येथे शुक्रवारी ९ जून २०२३ रोजी सायंकाळी ६ वाजता 'टीडीएम' चित्रपटाची स्पेशल स्क्रीनिंग करण्यात आली. मराठी चित्रपट असल्याने तसेच यात नवीन कलाकारांच्या उपस्थितीमुळे चित्रपटाला मोठा पडदा मिळू शकला नसल्याचे चित्रपटातील कलाकारांचे म्हणणे आहे. त्याचवेळी चित्रपटाचे काम जितके महत्त्वाचे असते, तितकेच चित्रपटाचे प्रमोशन कसे केले जाते, हेही महत्त्वाचे असल्याचे चित्रपट तज्ञांचे म्हणणे आहे. मराठी चित्रपट आणि मराठी भाषेला पाठिंबा देण्यासाठी रेडिओ ऑरेंजने महाराष्ट्रातील सर्व रेडिओ स्टेशनवर #माझा मराठी सिनेमा ची मोहीम प्रसारित केली आणि मराठी चित्रपटांबद्दल लोकांना जागरूक केले.

 

या चित्रपटाच्या स्पेशल स्क्रिनिंगनंतर जेव्हा प्रेक्षकांच्या प्रतिक्रिया घेण्यात आल्या तेव्हा सर्वजण खूप उत्सुक दिसले. एकाने सांगितले की, चित्रपटात गावातील संस्कृतीचे दर्शन घडते. तर काहीजण म्हणाले, 'या चित्रपटात वापरलेली मराठी इतकी वेगळी आहे की फार कमी लोक अशी मराठी ऐकतात किंवा बोलतात.