नितीन गडकरींना पुन्हा जीवे मारण्याची धमकी; १० कोटींच्या खंडणीची मागणी

 

केंद्रीय मंत्री नितीन गडकरी (Nitin Gadkari) यांच्याबाबत मंगळवारी एक धक्कादायक बातमी समोर आली आहे. नितीन गडकरी यांना पुन्हा एकदा जीवे मारण्याची धमकी देण्यात आली. नागपूरमधील खामला स्थित ऑरेंज सिटी रुग्णालयाजवळील गडकरी यांच्या जनसंपर्क कार्यालयात मंगळवारी पुन्हा धमकीचे तीन फोन आले आहेत. याबाबत माहिती मिळताच पोलिस विभागाने पुन्हा जनसंपर्क कार्यालय गाठून तपास सुरू केला. यावेळीही बेळगाव कारागृहातील आरोपी जयेश कंठा याच्या नावाचे फोन येत असल्याची माहिती समोर आली असून पोलिस याप्रकरणी अधिक तपास करत आहेत.

 

यापूर्वी नितीन गडकरी यांना 14 जानेवारी रोजी त्यांच्या जनसंपर्क कार्यालयातील लँडलाईनवर जीवे मागण्याची धमकी देणारे फोन आहे होते. त्यावेळी देखील आरोपीने १० कोटी रुपयांच्या खंडणीची मागणी केली होती. या प्रकरणानंतर गडकरी यांच्या सुरक्षेत करण्यात आली आहे.

 

पोलिसांनी पूर्वीच्या प्रकरणाचा तपास केला असता बेळगावी कारागृहातून जयेश पुजारी नावाच्या आरोपीला बोलावल्याचे प्रकरण समोर आले होते. कर्नाटकात 4 ते 5 दिवस मुक्काम केल्यानंतर पोलिसांचे पथकही आले होते. मात्र विशेष माहिती समोर आणता आली नाही. तरीही त्या प्रकरणाचा तपास सुरू झाला आहे.