माजी राष्ट्रपती प्रतिभाताई पाटील यांचे पती देवीसिंह शेखावत यांचे निधन

 (Image Source : Internet)

 

भारताच्या पहिल्या माजी महिला राष्ट्रपती प्रतिभाताई पाटील (pratibha patil) यांचे पती डॉ. देवीसिंह शेखावत (dr sevisingh shekhawat) यांचे शुक्रवारी निधन झाले. वयाच्या ८९ व्या वर्षी त्यांची प्राणज्योत मालवली. पुण्यातील एका खासगी रुग्णालयात उपचारादरम्यान त्यांना हृदयविकाराचा झटका आल्याने त्यांचे निधन झाल्याचे वृत्त आहे. कुटुंबियांच्या जवळच्या सूत्रांनी याबाबत माहिती दिली आहे. डॉ. देवीसिंह शेखावत यांच्या निधनाची बातमी समोर येताच राजकीय वर्तुळात हळहळ व्यक्त होत आहे.

 

मिळालेल्या माहितीनुसार, गेल्या काही दिवसांपूर्वी डॉ. देवीसिंह शेखावत यांची तब्बेत खालावल्याने त्यांना पुण्यातील केईएम रुग्णालयात दाखल करण्यात आले होते. तेव्हापासून त्यांच्यावर रुग्णालयात उपचार सुरु होते. मात्र, आज सकाळी ९.३० वाजताच्या सुमारास त्यांना हृदयविकाराचा झटका आल्याने त्यांनी रुग्णालयातच अखेरचा श्वास घेतला. पुण्यात आज सायंकाळी ६ वाजता त्यांच्या पार्थिवावर अंत्यसंस्कार करण्यात येणार आहे. डॉ. देवीसिंह शेखावत यांच्या पश्चात पत्नी प्रतिभाताई पाटील आणि एक मुलगा आणि एक मुलगी असा परिवार आहे.