'इतक्या' तीव्रतेच्या भूकंपाने हादरले ताजिकिस्तान

 

ताजिकिस्तानमधील दुशान्बे येथे शुक्रवारी भूकंपाचे जोरदार झटके जाणवले. नॅशनल सेंटर फॉर सिस्मॉलॉजी (एनसीएस) नुसार, रिश्टर स्केलवर भूकंपाची तीव्रता ४.५ इतकी मोजली गेली. ताजिकिस्तानची राजधानी दुशान्बेपासून १७१ किमी ईशान्येला शुक्रवारी सकाळी भूकंप झाला.

 

दरम्यान, नॅशनल सेंटर फॉर सिस्मॉलॉजीकडून मिळालेल्या माहितीनुसार, ताजिकिस्तानमधील हा भूकंप जमिनीपासून जवळपास १० किमी खोलीवर आले होते. भारतीय वेळेनुसार सकाळी ०९:१६ वाजता हे भूकंपाचे झटके जाणवले. सुदैवाने अद्याप कोणतीही जीवित किंवा वित्तहानी झाल्याचे वृत्त समोर आलेले नाही आहे.