बँक ग्राहकांनी आत्ताच कामे उरकून घ्या; २८ ते ३० सप्टेंबर बँक कर्मचाऱ्यांचा देशव्यापी संप
Total Views |
Image Source:(Internet)नागपूर : बँक ग्राहकांसाठी महत्त्वाची बातमी आहे. विविध प्रलंबित मागण्यांसाठी युनायटेड फोरम ऑफ बँक युनियन्स (UFBU) ने २८ ते ३० सप्टेंबरदरम्यान तीन दिवसांचा देशव्यापी संप पुकारला आहे. त्यामुळे सार्वजनिक क्षेत्रातील बँकांच्या दैनंदिन कामकाजावर परिणाम होण्याची शक्यता आहे.
पाच दिवसांचा बँकिंग आठवडा लागू करण्यासह अन्य मागण्यांसाठी हा संप करण्यात येणार आहे. २८ सप्टेंबरपासून सलग तीन दिवस संप आणि त्याआधी शनिवार-रविवारची सुट्टी असल्याने काही बँकिंग सेवा सलग पाच दिवस प्रभावित होऊ शकतात.
या संपात देशातील नऊ प्रमुख बँक कर्मचारी संघटना सहभागी होणार असल्याचे सांगण्यात आले आहे. त्यामुळे बँक शाखांमध्ये रोख रक्कम जमा करणे, पैसे काढणे, धनादेश वटवणे तसेच इतर प्रत्यक्ष व्यवहारांमध्ये अडथळे येण्याची शक्यता आहे.
या पार्श्वभूमीवर ग्राहकांनी महत्त्वाचे बँक व्यवहार संपापूर्वीच पूर्ण करून घेण्याचे आवाहन करण्यात आले आहे. गरज असल्यास रोख रक्कम वेळेत काढून ठेवावी. संपाच्या काळात इंटरनेट बँकिंग, मोबाईल बँकिंग, यूपीआय आणि अन्य डिजिटल माध्यमांचा वापर करता येणार आहे. त्यामुळे बँक ग्राहकांनी संभाव्य गैरसोय टाळण्यासाठी आपल्या आवश्यक व्यवहारांचे नियोजन आधीच करण्याचे आवाहन करण्यात आले आहे.
पाच दिवसांचा बँकिंग आठवडा लागू करण्यासह अन्य मागण्यांसाठी हा संप करण्यात येणार आहे. २८ सप्टेंबरपासून सलग तीन दिवस संप आणि त्याआधी शनिवार-रविवारची सुट्टी असल्याने काही बँकिंग सेवा सलग पाच दिवस प्रभावित होऊ शकतात.
या संपात देशातील नऊ प्रमुख बँक कर्मचारी संघटना सहभागी होणार असल्याचे सांगण्यात आले आहे. त्यामुळे बँक शाखांमध्ये रोख रक्कम जमा करणे, पैसे काढणे, धनादेश वटवणे तसेच इतर प्रत्यक्ष व्यवहारांमध्ये अडथळे येण्याची शक्यता आहे.
या पार्श्वभूमीवर ग्राहकांनी महत्त्वाचे बँक व्यवहार संपापूर्वीच पूर्ण करून घेण्याचे आवाहन करण्यात आले आहे. गरज असल्यास रोख रक्कम वेळेत काढून ठेवावी. संपाच्या काळात इंटरनेट बँकिंग, मोबाईल बँकिंग, यूपीआय आणि अन्य डिजिटल माध्यमांचा वापर करता येणार आहे. त्यामुळे बँक ग्राहकांनी संभाव्य गैरसोय टाळण्यासाठी आपल्या आवश्यक व्यवहारांचे नियोजन आधीच करण्याचे आवाहन करण्यात आले आहे.
