सोनम वांगचुक पुन्हा मैदानात; लडाखच्या मागण्यांसाठी १९ ते २४ सप्टेंबरदरम्यान आंदोलनाचा इशारा
Total Views |
Image Source:(Internet)नवी दिल्ली : लडाखमधील विविध मागण्यांसाठी सामाजिक कार्यकर्ते सोनम वांगचुक यांनी पुन्हा एकदा आंदोलनाची घोषणा केली आहे. केंद्र सरकारने लडाखशी संबंधित प्रमुख मागण्यांवर ठोस निर्णय न घेतल्यास १९ ते २४ सप्टेंबरदरम्यान आंदोलन करण्यात येईल, असा इशारा वांगचुक यांनी दिला आहे.
लडाखला अधिक स्वायत्तता, स्थानिकांच्या हक्कांचे संरक्षण आणि प्रशासनात स्थानिकांचा अधिक सहभाग यांसह विविध मागण्यांसाठी वांगचुक सातत्याने आवाज उठवत आहेत. केंद्र सरकार आणि लडाखमधील प्रतिनिधी यांच्यातील चर्चेत अपेक्षित प्रगती होत नसल्याने त्यांनी नाराजी व्यक्त केली आहे.
लडाखच्या लेह अपेक्स बॉडी आणि कारगिल डेमोक्रेटिक अलायन्सच्या प्रतिनिधींची केंद्रीय गृह मंत्रालयाच्या उपसमितीसोबत बैठक झाली. या बैठकीत केंद्रशासित प्रदेशातील स्थानिक संस्थेची रचना, अधिकार आणि इतर महत्त्वाच्या मुद्द्यांवर मसुदा सादर होण्याची अपेक्षा होती. मात्र, बैठकीत अपेक्षित मसुदा सादर न झाल्याने वांगचुक यांनी निराशा व्यक्त केली.
२२ मे रोजी झालेल्या बैठकीनंतरही विशेष प्रगती झालेली नसल्याचा दावा त्यांनी केला. गृह मंत्रालयाकडे पुरेसा वेळ असूनही मागण्यांवर ठोस काम झाले नसल्याचे वांगचुक यांनी म्हटले आहे. त्याऐवजी पुढील चर्चेसाठी प्रश्नांची यादी प्रतिनिधींना देण्यात आल्याचे त्यांनी सांगितले.
गेल्या वर्षी लडाखमधील आंदोलनादरम्यान झालेल्या हिंसाचारानंतर वांगचुक यांना राष्ट्रीय सुरक्षा कायद्यांतर्गत ताब्यात घेण्यात आले होते. मार्चमध्ये त्यांची सुटका झाली. आता सरकारकडून ठोस निर्णय न झाल्यास सप्टेंबरमध्ये पुन्हा आंदोलन करण्याचा निर्धार त्यांनी व्यक्त केला आहे.
लडाखला अधिक स्वायत्तता, स्थानिकांच्या हक्कांचे संरक्षण आणि प्रशासनात स्थानिकांचा अधिक सहभाग यांसह विविध मागण्यांसाठी वांगचुक सातत्याने आवाज उठवत आहेत. केंद्र सरकार आणि लडाखमधील प्रतिनिधी यांच्यातील चर्चेत अपेक्षित प्रगती होत नसल्याने त्यांनी नाराजी व्यक्त केली आहे.
लडाखच्या लेह अपेक्स बॉडी आणि कारगिल डेमोक्रेटिक अलायन्सच्या प्रतिनिधींची केंद्रीय गृह मंत्रालयाच्या उपसमितीसोबत बैठक झाली. या बैठकीत केंद्रशासित प्रदेशातील स्थानिक संस्थेची रचना, अधिकार आणि इतर महत्त्वाच्या मुद्द्यांवर मसुदा सादर होण्याची अपेक्षा होती. मात्र, बैठकीत अपेक्षित मसुदा सादर न झाल्याने वांगचुक यांनी निराशा व्यक्त केली.
२२ मे रोजी झालेल्या बैठकीनंतरही विशेष प्रगती झालेली नसल्याचा दावा त्यांनी केला. गृह मंत्रालयाकडे पुरेसा वेळ असूनही मागण्यांवर ठोस काम झाले नसल्याचे वांगचुक यांनी म्हटले आहे. त्याऐवजी पुढील चर्चेसाठी प्रश्नांची यादी प्रतिनिधींना देण्यात आल्याचे त्यांनी सांगितले.
गेल्या वर्षी लडाखमधील आंदोलनादरम्यान झालेल्या हिंसाचारानंतर वांगचुक यांना राष्ट्रीय सुरक्षा कायद्यांतर्गत ताब्यात घेण्यात आले होते. मार्चमध्ये त्यांची सुटका झाली. आता सरकारकडून ठोस निर्णय न झाल्यास सप्टेंबरमध्ये पुन्हा आंदोलन करण्याचा निर्धार त्यांनी व्यक्त केला आहे.
