अण्णा हजारे यांची प्रकृती खालावली; मुंबईतील रुग्णालयात अतिदक्षता विभागात उपचार सुरू
Total Views |
Image Source:(Internet)राळेगणसिद्धी : ज्येष्ठ समाजसेवक आणि भ्रष्टाचारविरोधी आंदोलनाचे प्रमुख अण्णा हजारे यांची प्रकृती अचानक बिघडल्याने त्यांना तातडीने मुंबईतील बॉम्बे हॉस्पिटलमध्ये दाखल करण्यात आले आहे. सध्या त्यांच्यावर अतिदक्षता विभागात उपचार सुरू असून, डॉक्टरांचे पथक त्यांच्या प्रकृतीवर बारकाईने लक्ष ठेवून आहे.
मिळालेल्या माहितीनुसार, अण्णा हजारे यांना विषाणूजन्य संसर्ग झाला असून, त्यासोबतच शरीरात पाण्याची तीव्र कमतरता निर्माण झाली आहे. तसेच मूत्रपिंडाशी संबंधित त्रासही जाणवत असल्याने त्यांच्या प्रकृतीची विशेष काळजी घेतली जात आहे. प्रकृती खालावल्याचे लक्षात येताच त्यांना राळेगणसिद्धी येथून विशेष रुग्णवाहिकेद्वारे मुंबईत आणण्यात आले.
मुंबईत दाखल केल्यानंतर त्यांच्यावर तातडीने वैद्यकीय उपचार सुरू करण्यात आले. डॉ. गौतम भन्साळी यांच्या मार्गदर्शनाखाली तज्ज्ञ डॉक्टरांचे पथक अण्णा हजारे यांच्या प्रकृतीची तपासणी करत आहे. त्यांच्या विविध वैद्यकीय चाचण्या करण्यात आल्या असून, त्यांचे अहवाल आल्यानंतर पुढील उपचारांबाबत निर्णय घेतला जाणार आहे.
अण्णा हजारे हे गेल्या अनेक दशकांपासून सामाजिक प्रश्नांवर सातत्याने आवाज उठवत आले आहेत. २०११ मध्ये भ्रष्टाचाराविरोधात उभारलेल्या देशव्यापी आंदोलनामुळे ते देशभर चर्चेत आले होते. त्यांच्या आंदोलनाला मोठा जनसमर्थन मिळाले होते आणि भ्रष्टाचाराच्या मुद्द्यावर केंद्र सरकारवरही दबाव निर्माण झाला होता.
गेल्या महिन्यातही अण्णा हजारे यांनी राळेगणसिद्धी येथे भारतीय पोलीस सेवेतील प्रशिक्षणार्थींशी संवाद साधला होता. यावेळी त्यांनी तरुणांनी प्रामाणिकपणा, शिस्त आणि निष्ठा या मूल्यांना महत्त्व देत देशसेवेत योगदान द्यावे, असे आवाहन केले होते.
सध्या अण्णा हजारे यांच्यावर मुंबईतील रुग्णालयात उपचार सुरू असून, त्यांच्या प्रकृतीबाबत डॉक्टरांच्या पुढील अहवालाकडे लक्ष लागले आहे.
मिळालेल्या माहितीनुसार, अण्णा हजारे यांना विषाणूजन्य संसर्ग झाला असून, त्यासोबतच शरीरात पाण्याची तीव्र कमतरता निर्माण झाली आहे. तसेच मूत्रपिंडाशी संबंधित त्रासही जाणवत असल्याने त्यांच्या प्रकृतीची विशेष काळजी घेतली जात आहे. प्रकृती खालावल्याचे लक्षात येताच त्यांना राळेगणसिद्धी येथून विशेष रुग्णवाहिकेद्वारे मुंबईत आणण्यात आले.
मुंबईत दाखल केल्यानंतर त्यांच्यावर तातडीने वैद्यकीय उपचार सुरू करण्यात आले. डॉ. गौतम भन्साळी यांच्या मार्गदर्शनाखाली तज्ज्ञ डॉक्टरांचे पथक अण्णा हजारे यांच्या प्रकृतीची तपासणी करत आहे. त्यांच्या विविध वैद्यकीय चाचण्या करण्यात आल्या असून, त्यांचे अहवाल आल्यानंतर पुढील उपचारांबाबत निर्णय घेतला जाणार आहे.
अण्णा हजारे हे गेल्या अनेक दशकांपासून सामाजिक प्रश्नांवर सातत्याने आवाज उठवत आले आहेत. २०११ मध्ये भ्रष्टाचाराविरोधात उभारलेल्या देशव्यापी आंदोलनामुळे ते देशभर चर्चेत आले होते. त्यांच्या आंदोलनाला मोठा जनसमर्थन मिळाले होते आणि भ्रष्टाचाराच्या मुद्द्यावर केंद्र सरकारवरही दबाव निर्माण झाला होता.
गेल्या महिन्यातही अण्णा हजारे यांनी राळेगणसिद्धी येथे भारतीय पोलीस सेवेतील प्रशिक्षणार्थींशी संवाद साधला होता. यावेळी त्यांनी तरुणांनी प्रामाणिकपणा, शिस्त आणि निष्ठा या मूल्यांना महत्त्व देत देशसेवेत योगदान द्यावे, असे आवाहन केले होते.
सध्या अण्णा हजारे यांच्यावर मुंबईतील रुग्णालयात उपचार सुरू असून, त्यांच्या प्रकृतीबाबत डॉक्टरांच्या पुढील अहवालाकडे लक्ष लागले आहे.
