आता जास्त काम करू शकत नाही; नितीन गडकरींच्या विधानाचा नेमका अर्थ काय?
Total Views |
Image Source:(Internet)नागपूर : केंद्रीय मंत्री नितीन गडकरी यांच्या एका वक्तव्यामुळे सध्या राजकीय वर्तुळात चर्चेला उधाण आलं आहे. “आता मी जास्त काम करू शकत नाही. नव्या पिढीच्या हाती काम दिलं पाहिजे,” असं गडकरी यांनी म्हटलं आहे. नागपूर जिल्ह्यातील काटोल येथे आयोजित ‘एकलव्य एकल विद्यालय शिक्षक-पर्यवेक्षक प्रशिक्षण वर्गा’च्या कार्यक्रमात ते बोलत होते.
आदिवासी विद्यार्थ्यांना मार्गदर्शन करताना गडकरी यांनी आत्मविकास, आरोग्य आणि सामाजिक जबाबदारी यावर भाष्य केलं. आयुष्याचा पुरेपूर आनंद घेतानाच समाजासाठीही योगदान देणं गरजेचं असल्याचं त्यांनी सांगितलं.
नव्या पिढीला संधी मिळाली पाहिजे-
आपल्या कामाच्या पद्धतीत आता बदल झाल्याचं गडकरी यांनी यावेळी स्पष्ट केलं. पूर्वी ज्या काळात शक्य होतं, त्या काळात मोठ्या प्रमाणावर काम केलं. मात्र आता कामातील सहभाग काहीसा कमी झाला असून नवीन पिढीला जबाबदारी देण्याची गरज आहे, असं त्यांनी सांगितलं.
“नवीन लोक आले आहेत. जुने लोक त्यांना मार्गदर्शन करत आहेत. हळूहळू पुन्हा काम वाढत आहे,” असं गडकरी म्हणाले. गडकरींच्या या वक्तव्याचा राजकीय अर्थ लावला जात असला, तरी त्यांच्या भाषणाचा संदर्भ पाहता ते प्रामुख्याने नव्या पिढीला नेतृत्वाची आणि सामाजिक कार्याची संधी देण्याबाबत बोलत होते. त्यामुळे हे विधान तातडीच्या राजकीय निवृत्तीची घोषणा आहे, असा थेट निष्कर्ष काढणं योग्य ठरणार नाही.
‘हार्ट अटॅक आला तर काय सोबत येणार?’
गडकरी यांनी आपल्या आरोग्याबाबतही मनमोकळेपणाने भाष्य केलं. तरुणपणी आपली जीवनशैली अत्यंत अनियमित होती. पक्षाचं काम करताना समोसा खायचो आणि रात्री झोपून जायचो, अशी आठवण त्यांनी सांगितली.कोरोनानंतर मात्र आरोग्याकडे अधिक लक्ष देण्यास सुरुवात केल्याचं त्यांनी सांगितलं. सध्या सकाळी नियमित व्यायाम आणि प्राणायाम करत असल्याचं गडकरी यांनी नमूद केलं.
“तब्येत चांगली असेल तरच बाकी गोष्टींचा उपयोग आहे. अचानक हार्ट अटॅक आला तर सत्ता, संपत्ती, गाडी, बंगला किंवा इतर कोणतीही गोष्ट सोबत येत नाही,” अशा शब्दांत त्यांनी उपस्थितांना आरोग्याचं महत्त्व पटवून दिलं.दररोज किमान अर्धा तास व्यायाम आणि प्राणायाम करण्याचा सल्लाही त्यांनी दिला.
लूना आणि स्कूटरच्या आठवणींना उजाळा-
गडकरी यांनी आपल्या राजकीय जीवनाच्या सुरुवातीच्या काळातील काही मजेशीर किस्सेही सांगितले. त्यावेळी आपलं जीवन अत्यंत बेशिस्त आणि धावपळीचं होतं, असं ते म्हणाले.
पक्षाचं काम करण्यासाठी सायकल, लूना आणि त्यानंतर स्कूटरचा वापर केल्याची आठवण त्यांनी सांगितली. लूना चालवताना ती सतत आवाज करायची, तर नंतरच्या काळात एकाच स्कूटरवर चार जण प्रवास करायचो, असा किस्सा त्यांनी सांगितला.
पोलिसांनी पकडू नये म्हणून स्कूटरच्या नंबर प्लेटवर हात ठेवून प्रवास केल्याचंही त्यांनी मिश्कीलपणे सांगितलं. त्यावेळी एका कार्यकर्त्याकडे अॅम्बेसेडर कार असल्यामुळे पक्षाच्या नेत्यांच्या ये-जा करण्यासाठी त्याला पक्षाचं अध्यक्ष करण्यात आल्याची आठवणही गडकरी यांनी सांगितली.
एकाही आदिवासी गावात अंधार राहणार नाही-
कार्यक्रमात गडकरी यांनी एकलव्य विद्यालयाच्या कामाचं कौतुक केलं. हे काम भविष्यात आणखी मोठ्या प्रमाणावर वाढलं पाहिजे आणि राज्यातील प्रत्येक आदिवासी गावात विकासाचा प्रकाश पोहोचला पाहिजे, अशी अपेक्षा त्यांनी व्यक्त केली.
स्वतःच्या व्यक्तिमत्त्वाचा आणि कार्यक्षमतेचा विकास करताना समाजातील गरजू लोकांसाठीही वेळ देण्याचं आवाहन त्यांनी केलं. “ज्यांच्या आयुष्यात अंधार आहे, त्यांच्या जीवनात उजेड आणण्याचं काम करा,” असा संदेश त्यांनी विद्यार्थ्यांना दिला.
गडकरींच्या विधानाचा नेमका अर्थ काय?
गडकरी यांच्या “आता जास्त काम करू शकत नाही” या विधानाची राजकीय चर्चा सुरू झाली असली, तरी संपूर्ण भाषणाचा संदर्भ पाहिल्यास त्यांचा भर जबाबदारीचं विकेंद्रीकरण आणि नव्या पिढीला पुढे आणण्यावर असल्याचं दिसतं. स्वतःचा अनुभव आणि मार्गदर्शन जुन्या पिढीने द्यावं, तर प्रत्यक्ष कामाची अधिक जबाबदारी नव्या कार्यकर्त्यांनी स्वीकारावी, अशी त्यांची भूमिका असल्याचं त्यांच्या वक्तव्यावरून स्पष्ट होतं. त्यामुळे या विधानाकडे सध्या तरी थेट राजकीय निवृत्तीची घोषणा म्हणून पाहण्यापेक्षा नव्या पिढीला नेतृत्वाची संधी देण्याचा संदेश म्हणून पाहणं अधिक योग्य ठरतं.
आदिवासी विद्यार्थ्यांना मार्गदर्शन करताना गडकरी यांनी आत्मविकास, आरोग्य आणि सामाजिक जबाबदारी यावर भाष्य केलं. आयुष्याचा पुरेपूर आनंद घेतानाच समाजासाठीही योगदान देणं गरजेचं असल्याचं त्यांनी सांगितलं.
नव्या पिढीला संधी मिळाली पाहिजे-
आपल्या कामाच्या पद्धतीत आता बदल झाल्याचं गडकरी यांनी यावेळी स्पष्ट केलं. पूर्वी ज्या काळात शक्य होतं, त्या काळात मोठ्या प्रमाणावर काम केलं. मात्र आता कामातील सहभाग काहीसा कमी झाला असून नवीन पिढीला जबाबदारी देण्याची गरज आहे, असं त्यांनी सांगितलं.
“नवीन लोक आले आहेत. जुने लोक त्यांना मार्गदर्शन करत आहेत. हळूहळू पुन्हा काम वाढत आहे,” असं गडकरी म्हणाले. गडकरींच्या या वक्तव्याचा राजकीय अर्थ लावला जात असला, तरी त्यांच्या भाषणाचा संदर्भ पाहता ते प्रामुख्याने नव्या पिढीला नेतृत्वाची आणि सामाजिक कार्याची संधी देण्याबाबत बोलत होते. त्यामुळे हे विधान तातडीच्या राजकीय निवृत्तीची घोषणा आहे, असा थेट निष्कर्ष काढणं योग्य ठरणार नाही.
‘हार्ट अटॅक आला तर काय सोबत येणार?’
गडकरी यांनी आपल्या आरोग्याबाबतही मनमोकळेपणाने भाष्य केलं. तरुणपणी आपली जीवनशैली अत्यंत अनियमित होती. पक्षाचं काम करताना समोसा खायचो आणि रात्री झोपून जायचो, अशी आठवण त्यांनी सांगितली.कोरोनानंतर मात्र आरोग्याकडे अधिक लक्ष देण्यास सुरुवात केल्याचं त्यांनी सांगितलं. सध्या सकाळी नियमित व्यायाम आणि प्राणायाम करत असल्याचं गडकरी यांनी नमूद केलं.
“तब्येत चांगली असेल तरच बाकी गोष्टींचा उपयोग आहे. अचानक हार्ट अटॅक आला तर सत्ता, संपत्ती, गाडी, बंगला किंवा इतर कोणतीही गोष्ट सोबत येत नाही,” अशा शब्दांत त्यांनी उपस्थितांना आरोग्याचं महत्त्व पटवून दिलं.दररोज किमान अर्धा तास व्यायाम आणि प्राणायाम करण्याचा सल्लाही त्यांनी दिला.
लूना आणि स्कूटरच्या आठवणींना उजाळा-
गडकरी यांनी आपल्या राजकीय जीवनाच्या सुरुवातीच्या काळातील काही मजेशीर किस्सेही सांगितले. त्यावेळी आपलं जीवन अत्यंत बेशिस्त आणि धावपळीचं होतं, असं ते म्हणाले.
पक्षाचं काम करण्यासाठी सायकल, लूना आणि त्यानंतर स्कूटरचा वापर केल्याची आठवण त्यांनी सांगितली. लूना चालवताना ती सतत आवाज करायची, तर नंतरच्या काळात एकाच स्कूटरवर चार जण प्रवास करायचो, असा किस्सा त्यांनी सांगितला.
पोलिसांनी पकडू नये म्हणून स्कूटरच्या नंबर प्लेटवर हात ठेवून प्रवास केल्याचंही त्यांनी मिश्कीलपणे सांगितलं. त्यावेळी एका कार्यकर्त्याकडे अॅम्बेसेडर कार असल्यामुळे पक्षाच्या नेत्यांच्या ये-जा करण्यासाठी त्याला पक्षाचं अध्यक्ष करण्यात आल्याची आठवणही गडकरी यांनी सांगितली.
एकाही आदिवासी गावात अंधार राहणार नाही-
कार्यक्रमात गडकरी यांनी एकलव्य विद्यालयाच्या कामाचं कौतुक केलं. हे काम भविष्यात आणखी मोठ्या प्रमाणावर वाढलं पाहिजे आणि राज्यातील प्रत्येक आदिवासी गावात विकासाचा प्रकाश पोहोचला पाहिजे, अशी अपेक्षा त्यांनी व्यक्त केली.
स्वतःच्या व्यक्तिमत्त्वाचा आणि कार्यक्षमतेचा विकास करताना समाजातील गरजू लोकांसाठीही वेळ देण्याचं आवाहन त्यांनी केलं. “ज्यांच्या आयुष्यात अंधार आहे, त्यांच्या जीवनात उजेड आणण्याचं काम करा,” असा संदेश त्यांनी विद्यार्थ्यांना दिला.
गडकरींच्या विधानाचा नेमका अर्थ काय?
गडकरी यांच्या “आता जास्त काम करू शकत नाही” या विधानाची राजकीय चर्चा सुरू झाली असली, तरी संपूर्ण भाषणाचा संदर्भ पाहिल्यास त्यांचा भर जबाबदारीचं विकेंद्रीकरण आणि नव्या पिढीला पुढे आणण्यावर असल्याचं दिसतं. स्वतःचा अनुभव आणि मार्गदर्शन जुन्या पिढीने द्यावं, तर प्रत्यक्ष कामाची अधिक जबाबदारी नव्या कार्यकर्त्यांनी स्वीकारावी, अशी त्यांची भूमिका असल्याचं त्यांच्या वक्तव्यावरून स्पष्ट होतं. त्यामुळे या विधानाकडे सध्या तरी थेट राजकीय निवृत्तीची घोषणा म्हणून पाहण्यापेक्षा नव्या पिढीला नेतृत्वाची संधी देण्याचा संदेश म्हणून पाहणं अधिक योग्य ठरतं.
