Gen Z साठी सरकारी बँकांनी बदलावे रूप; सीतारमण म्हणाल्या, ‘कूल’ बना!
Total Views |
Image Source:(Internet)नवी दिल्ली : तरुण पिढीच्या बदलत्या अपेक्षा आणि डिजिटल सवयी लक्षात घेऊन सार्वजनिक क्षेत्रातील बँकांनी आपल्या कामकाजात मोठे बदल करण्याची गरज आहे, असे केंद्रीय अर्थमंत्री निर्मला सीतारमण यांनी म्हटले आहे. सरकारी बँकांनी केवळ पारंपरिक पद्धतीवर अवलंबून न राहता Gen Z ला आकर्षित करणाऱ्या आधुनिक सेवा द्याव्यात, असा त्यांचा सल्ला आहे.
नवी दिल्ली येथे झालेल्या PSB कॉन्फ्लुएन्सच्या समारोप कार्यक्रमात सीतारमण यांनी सरकारी बँकांनी तरुणांशी थेट संवाद साधण्यावर भर दिला. तरुण ग्राहक बँकेत येण्याची वाट न पाहता बँकांनी महाविद्यालये, विद्यापीठे आणि कौशल्य विकास केंद्रांमध्ये पोहोचावे, असे त्यांनी सांगितले.
तरुणांपर्यंत पोहोचण्यासाठी २ ऑक्टोबरपासून ‘बँकिंग फॉर यूथ’ ही महिनाभराची मोहीम राबवण्याचा सल्ला देण्यात आला आहे. या माध्यमातून सरकारी बँकांविषयी तरुणांमध्ये आधुनिक आणि सकारात्मक प्रतिमा निर्माण करण्याचा प्रयत्न केला जाणार आहे.
सीतारमण यांनी बँकिंग सेवा अधिक सोप्या, वैयक्तिक आणि २४ तास उपलब्ध करण्याची गरजही व्यक्त केली. तरुणांच्या पहिल्या बँक खात्यापासून पहिला पगार, शिक्षण, उद्योजकता आणि गुंतवणुकीपर्यंतच्या आर्थिक प्रवासात सरकारी बँकांनी त्यांची साथ द्यावी, अशी अपेक्षा त्यांनी व्यक्त केली.
यासाठी बँक शाखांमध्ये ‘युवा किऑस्क’ आणि ‘युवा बँकिंग मित्र’ उपलब्ध करून देण्याची सूचना करण्यात आली आहे. तसेच शैक्षणिक संस्था आणि ऑनलाइन प्लॅटफॉर्मच्या सहकार्याने तरुणांना मोफत शैक्षणिक व कौशल्यविकास सामग्री उपलब्ध करून देण्याचा पर्यायही सुचवण्यात आला.
सरकारी बँकांची जुनी प्रतिमा बदलून त्यांना डिजिटल, आधुनिक आणि Gen Z-अनुकूल बनवणे हे या उपक्रमामागचे प्रमुख उद्दिष्ट आहे. तरुणांची पहिली पसंती सरकारी बँकांना मिळावी, यासाठी बँकांनी ग्राहकांशी नाते निर्माण करण्याच्या पद्धतीत बदल करावा, असा संदेश अर्थमंत्र्यांनी दिला.
नवी दिल्ली येथे झालेल्या PSB कॉन्फ्लुएन्सच्या समारोप कार्यक्रमात सीतारमण यांनी सरकारी बँकांनी तरुणांशी थेट संवाद साधण्यावर भर दिला. तरुण ग्राहक बँकेत येण्याची वाट न पाहता बँकांनी महाविद्यालये, विद्यापीठे आणि कौशल्य विकास केंद्रांमध्ये पोहोचावे, असे त्यांनी सांगितले.
तरुणांपर्यंत पोहोचण्यासाठी २ ऑक्टोबरपासून ‘बँकिंग फॉर यूथ’ ही महिनाभराची मोहीम राबवण्याचा सल्ला देण्यात आला आहे. या माध्यमातून सरकारी बँकांविषयी तरुणांमध्ये आधुनिक आणि सकारात्मक प्रतिमा निर्माण करण्याचा प्रयत्न केला जाणार आहे.
सीतारमण यांनी बँकिंग सेवा अधिक सोप्या, वैयक्तिक आणि २४ तास उपलब्ध करण्याची गरजही व्यक्त केली. तरुणांच्या पहिल्या बँक खात्यापासून पहिला पगार, शिक्षण, उद्योजकता आणि गुंतवणुकीपर्यंतच्या आर्थिक प्रवासात सरकारी बँकांनी त्यांची साथ द्यावी, अशी अपेक्षा त्यांनी व्यक्त केली.
यासाठी बँक शाखांमध्ये ‘युवा किऑस्क’ आणि ‘युवा बँकिंग मित्र’ उपलब्ध करून देण्याची सूचना करण्यात आली आहे. तसेच शैक्षणिक संस्था आणि ऑनलाइन प्लॅटफॉर्मच्या सहकार्याने तरुणांना मोफत शैक्षणिक व कौशल्यविकास सामग्री उपलब्ध करून देण्याचा पर्यायही सुचवण्यात आला.
सरकारी बँकांची जुनी प्रतिमा बदलून त्यांना डिजिटल, आधुनिक आणि Gen Z-अनुकूल बनवणे हे या उपक्रमामागचे प्रमुख उद्दिष्ट आहे. तरुणांची पहिली पसंती सरकारी बँकांना मिळावी, यासाठी बँकांनी ग्राहकांशी नाते निर्माण करण्याच्या पद्धतीत बदल करावा, असा संदेश अर्थमंत्र्यांनी दिला.
