अमेरिकेच्या जलपुरवठा व्यवस्थेवर सलग ७ सायबर हल्ले; इराणवर संशय, तणाव पुन्हा वाढला
Total Views |
Image Source:(Internet)अमेरिका : अमेरिका आणि इराण यांच्यातील तणाव पुन्हा एकदा तीव्र झाला असून अमेरिकेच्या जलपुरवठा व्यवस्थेवर सलग सात सायबर हल्ले झाल्याची माहिती समोर आली आहे. या हल्ल्यांमुळे अनेक भागांतील पाणीपुरवठा विस्कळीत झाला असून काही ठिकाणी प्रशासनाला तात्पुरत्या स्वरूपात हाताने (मॅन्युअल) व्यवस्था चालवावी लागत आहे.
याआधी दोन्ही देशांमध्ये संघर्षानंतर युद्धविराम जाहीर करण्यात आला होता. मात्र त्यानंतर पुन्हा दोन्ही बाजूंमध्ये तणाव वाढल्याने मध्यपूर्वेतील घडामोडींना वेग आला आहे. अशातच अमेरिकेच्या महत्त्वाच्या पायाभूत सुविधांवर झालेल्या सायबर हल्ल्यांनी प्रशासनाची चिंता वाढवली आहे.
प्राथमिक माहितीनुसार, अमेरिकेच्या जलपुरवठा साखळीवर एकामागून एक सात सायबर हल्ले करण्यात आले. या हल्ल्यांमुळे काही राज्यांतील पाणीपुरवठा व्यवस्था प्रभावित झाली असून नागरिकांना पर्यायी पद्धतीने पाणी उपलब्ध करून देण्याचे प्रयत्न सुरू आहेत.
या हल्ल्यांमागे इराणचा हात असल्याचा संशय व्यक्त केला जात असला, तरी अमेरिकेचे राष्ट्राध्यक्ष डोनाल्ड ट्रम्प यांनी अद्याप कोणत्याही देशाचे नाव अधिकृतपणे घेतलेले नाही. हल्ल्यांचा उगम, त्यामागील सूत्रधार आणि नेमकी जबाबदारी निश्चित करण्यासाठी अमेरिकेच्या संबंधित यंत्रणांकडून सखोल तपास सुरू आहे.
दरम्यान, या सायबर हल्ल्यांमुळे अमेरिकेच्या महत्त्वाच्या पायाभूत सुविधांच्या सुरक्षेचा प्रश्न पुन्हा ऐरणीवर आला असून आंतरराष्ट्रीय स्तरावरही या घडामोडींवर बारकाईने लक्ष ठेवले जात आहे.
याआधी दोन्ही देशांमध्ये संघर्षानंतर युद्धविराम जाहीर करण्यात आला होता. मात्र त्यानंतर पुन्हा दोन्ही बाजूंमध्ये तणाव वाढल्याने मध्यपूर्वेतील घडामोडींना वेग आला आहे. अशातच अमेरिकेच्या महत्त्वाच्या पायाभूत सुविधांवर झालेल्या सायबर हल्ल्यांनी प्रशासनाची चिंता वाढवली आहे.
प्राथमिक माहितीनुसार, अमेरिकेच्या जलपुरवठा साखळीवर एकामागून एक सात सायबर हल्ले करण्यात आले. या हल्ल्यांमुळे काही राज्यांतील पाणीपुरवठा व्यवस्था प्रभावित झाली असून नागरिकांना पर्यायी पद्धतीने पाणी उपलब्ध करून देण्याचे प्रयत्न सुरू आहेत.
या हल्ल्यांमागे इराणचा हात असल्याचा संशय व्यक्त केला जात असला, तरी अमेरिकेचे राष्ट्राध्यक्ष डोनाल्ड ट्रम्प यांनी अद्याप कोणत्याही देशाचे नाव अधिकृतपणे घेतलेले नाही. हल्ल्यांचा उगम, त्यामागील सूत्रधार आणि नेमकी जबाबदारी निश्चित करण्यासाठी अमेरिकेच्या संबंधित यंत्रणांकडून सखोल तपास सुरू आहे.
दरम्यान, या सायबर हल्ल्यांमुळे अमेरिकेच्या महत्त्वाच्या पायाभूत सुविधांच्या सुरक्षेचा प्रश्न पुन्हा ऐरणीवर आला असून आंतरराष्ट्रीय स्तरावरही या घडामोडींवर बारकाईने लक्ष ठेवले जात आहे.
