प्रश्न विचारले की महाराष्ट्राचा अपमान कसा? मिसिंग लिंकवरून राज ठाकरेंचा मुख्यमंत्र्यांवर घणाघात
Total Views |
Image Source:(Internet)मुंबई : मनसे अध्यक्ष राज ठाकरे यांनी मुंबई-पुणे द्रुतगती मार्गावरील मिसिंग लिंक प्रकल्पावरून मुख्यमंत्री देवेंद्र फडणवीस यांच्यावर जोरदार टीका केली. मनसे रेल्वे कामगार सेनेच्या वर्धापन दिनानिमित्त झालेल्या कार्यक्रमात बोलताना त्यांनी सरकारच्या भूमिकेवर प्रश्नचिन्ह उपस्थित करत विरोधकांवर टीका झाली की ती 'महाराष्ट्राचा अपमान' ठरवली जाते, असा आरोप केला.
राज ठाकरे म्हणाले की, मिसिंग लिंक प्रकल्पातील दुर्घटनेनंतर नागरिकांनी उपस्थित केलेले प्रश्न योग्य आहेत. मात्र या मुद्द्यावर चर्चा झाली की त्याला राजकारणाचे स्वरूप दिले जाते. "सत्तेत नसताना आंदोलन आणि टीका करणारेच आज प्रश्न विचारणाऱ्यांवर बोट दाखवत आहेत," असा टोला त्यांनी लगावला.
मुख्यमंत्र्यांच्या विधानसभेतील वक्तव्याचा संदर्भ देत त्यांनी, "लोकांनी सरकारला प्रश्न विचारले तर त्यात महाराष्ट्राचा अपमान कुठे होतो? मुख्यमंत्री म्हणून टीका स्वीकारण्याची तयारी असली पाहिजे," असे म्हणत सरकारला सुनावले.
पावसामुळे मुंबई-पुणे द्रुतगती मार्ग, रेल्वे वाहतूक आणि मुंबईतील जनजीवन विस्कळीत झाल्याचा उल्लेख करत ठाकरे म्हणाले की, सरकार प्रत्येक घटनेला 'नैसर्गिक' म्हणून जबाबदारी झटकू शकत नाही. "सरकारमध्ये असताना सर्व काही नैसर्गिक म्हणायचे आणि विरोधक सत्तेत असताना त्याच मुद्द्यांवर आंदोलन करायचे, हा दुटप्पीपणा आहे," असा आरोप त्यांनी केला.
मुंबईतील पाणी साचण्याच्या समस्येवरूनही त्यांनी सरकारवर निशाणा साधला. पूर्वी अशाच परिस्थितीत मोठी आंदोलने करणारे आज सत्तेत असून, त्याच समस्यांवर आता टीका झाली की ती राजकारण म्हणून खपवली जात असल्याचे त्यांनी म्हटले.
राज ठाकरे यांच्या या वक्तव्यामुळे मिसिंग लिंक प्रकल्प, पावसाळी व्यवस्थापन आणि सरकारच्या भूमिकेवर राज्यातील राजकारण पुन्हा तापण्याची चिन्हे दिसत आहेत.
राज ठाकरे म्हणाले की, मिसिंग लिंक प्रकल्पातील दुर्घटनेनंतर नागरिकांनी उपस्थित केलेले प्रश्न योग्य आहेत. मात्र या मुद्द्यावर चर्चा झाली की त्याला राजकारणाचे स्वरूप दिले जाते. "सत्तेत नसताना आंदोलन आणि टीका करणारेच आज प्रश्न विचारणाऱ्यांवर बोट दाखवत आहेत," असा टोला त्यांनी लगावला.
मुख्यमंत्र्यांच्या विधानसभेतील वक्तव्याचा संदर्भ देत त्यांनी, "लोकांनी सरकारला प्रश्न विचारले तर त्यात महाराष्ट्राचा अपमान कुठे होतो? मुख्यमंत्री म्हणून टीका स्वीकारण्याची तयारी असली पाहिजे," असे म्हणत सरकारला सुनावले.
पावसामुळे मुंबई-पुणे द्रुतगती मार्ग, रेल्वे वाहतूक आणि मुंबईतील जनजीवन विस्कळीत झाल्याचा उल्लेख करत ठाकरे म्हणाले की, सरकार प्रत्येक घटनेला 'नैसर्गिक' म्हणून जबाबदारी झटकू शकत नाही. "सरकारमध्ये असताना सर्व काही नैसर्गिक म्हणायचे आणि विरोधक सत्तेत असताना त्याच मुद्द्यांवर आंदोलन करायचे, हा दुटप्पीपणा आहे," असा आरोप त्यांनी केला.
मुंबईतील पाणी साचण्याच्या समस्येवरूनही त्यांनी सरकारवर निशाणा साधला. पूर्वी अशाच परिस्थितीत मोठी आंदोलने करणारे आज सत्तेत असून, त्याच समस्यांवर आता टीका झाली की ती राजकारण म्हणून खपवली जात असल्याचे त्यांनी म्हटले.
राज ठाकरे यांच्या या वक्तव्यामुळे मिसिंग लिंक प्रकल्प, पावसाळी व्यवस्थापन आणि सरकारच्या भूमिकेवर राज्यातील राजकारण पुन्हा तापण्याची चिन्हे दिसत आहेत.
