टीईटी पेपरफुटीवरून दादा भुसे अडचणीत? काँग्रेसची राजीनाम्याची मागणी, आंदोलनाचा इशारा
Total Views |
मुंबई : शिक्षक पात्रता परीक्षा (टीईटी) पेपरफुटी प्रकरणावरून राज्याचे शिक्षणमंत्री दादा भुसे यांच्या अडचणीत वाढ झाली आहे. काँग्रेसची विद्यार्थी संघटना एनएसयूआयने सोमवारी भुसे यांच्या राजीनाम्याची जोरदार मागणी करत राज्य सरकारवर शिक्षण व्यवस्था कोलमडल्याचा आरोप केला आहे.
एनएसयूआयच्या पदाधिकाऱ्यांनी सांगितले की, टीईटी पेपरफुटीमुळे लाखो विद्यार्थी आणि पालकांना मानसिक त्रास सहन करावा लागला असून त्यांच्या भवितव्याशी खेळ झाला आहे. या संपूर्ण प्रकरणाची नैतिक जबाबदारी स्वीकारत शिक्षणमंत्री दादा भुसे यांनी तातडीने राजीनामा द्यावा, अशी मागणी करण्यात आली.
मुंबई युवक काँग्रेसच्या अध्यक्षा झीनत शबरीन यांनी इशारा देत म्हटले की, पुढील सात दिवसांत दादा भुसे यांनी राजीनामा दिला नाही, तर एनएसयूआय, युवक काँग्रेस आणि समविचारी संघटना राज्यभर तीव्र आंदोलन छेडतील.
महाराष्ट्र प्रदेश एनएसयूआयचे अध्यक्ष सागर साळुंखे यांनी सरकारवर गंभीर आरोप करत म्हटले की, महायुती सरकारच्या कारभारामुळे शिक्षण व्यवस्था ढासळली आहे. शिक्षकांवर शैक्षणिक कामांऐवजी बूथ लेव्हल ऑफिसर (बीएलओ) सारख्या जबाबदाऱ्या टाकल्या जात असून त्यामुळे विद्यार्थ्यांच्या शिक्षणावर परिणाम होत आहे. वाढत्या कामाच्या ताणामुळे शिक्षकांच्या मानसिक आरोग्यावरही विपरीत परिणाम होत असल्याचा दावा त्यांनी केला.
याशिवाय, नंदुरबारमधील आदिवासी विद्यार्थ्यांची कथित आर्थिक फसवणूक, राज्यातील बोगस नर्सिंग महाविद्यालये आणि काही शैक्षणिक संस्थांकडून विद्यार्थ्यांकडून आकारल्या जाणाऱ्या अवाजवी शुल्काचा मुद्दाही एनएसयूआयने उपस्थित केला. शिक्षण विभाग महसूल कमावण्याचे साधन बनल्याचा आरोप करत उच्च व तंत्रशिक्षण विभागाच्या कामकाजावरही त्यांनी प्रश्नचिन्ह उपस्थित केले.
दरम्यान, या आरोपांवर राज्य सरकार किंवा शिक्षणमंत्री दादा भुसे यांची अधिकृत प्रतिक्रिया अद्याप समोर आलेली नाही.
एनएसयूआयच्या पदाधिकाऱ्यांनी सांगितले की, टीईटी पेपरफुटीमुळे लाखो विद्यार्थी आणि पालकांना मानसिक त्रास सहन करावा लागला असून त्यांच्या भवितव्याशी खेळ झाला आहे. या संपूर्ण प्रकरणाची नैतिक जबाबदारी स्वीकारत शिक्षणमंत्री दादा भुसे यांनी तातडीने राजीनामा द्यावा, अशी मागणी करण्यात आली.
मुंबई युवक काँग्रेसच्या अध्यक्षा झीनत शबरीन यांनी इशारा देत म्हटले की, पुढील सात दिवसांत दादा भुसे यांनी राजीनामा दिला नाही, तर एनएसयूआय, युवक काँग्रेस आणि समविचारी संघटना राज्यभर तीव्र आंदोलन छेडतील.
महाराष्ट्र प्रदेश एनएसयूआयचे अध्यक्ष सागर साळुंखे यांनी सरकारवर गंभीर आरोप करत म्हटले की, महायुती सरकारच्या कारभारामुळे शिक्षण व्यवस्था ढासळली आहे. शिक्षकांवर शैक्षणिक कामांऐवजी बूथ लेव्हल ऑफिसर (बीएलओ) सारख्या जबाबदाऱ्या टाकल्या जात असून त्यामुळे विद्यार्थ्यांच्या शिक्षणावर परिणाम होत आहे. वाढत्या कामाच्या ताणामुळे शिक्षकांच्या मानसिक आरोग्यावरही विपरीत परिणाम होत असल्याचा दावा त्यांनी केला.
याशिवाय, नंदुरबारमधील आदिवासी विद्यार्थ्यांची कथित आर्थिक फसवणूक, राज्यातील बोगस नर्सिंग महाविद्यालये आणि काही शैक्षणिक संस्थांकडून विद्यार्थ्यांकडून आकारल्या जाणाऱ्या अवाजवी शुल्काचा मुद्दाही एनएसयूआयने उपस्थित केला. शिक्षण विभाग महसूल कमावण्याचे साधन बनल्याचा आरोप करत उच्च व तंत्रशिक्षण विभागाच्या कामकाजावरही त्यांनी प्रश्नचिन्ह उपस्थित केले.
दरम्यान, या आरोपांवर राज्य सरकार किंवा शिक्षणमंत्री दादा भुसे यांची अधिकृत प्रतिक्रिया अद्याप समोर आलेली नाही.
