महायुतीकडून प्रस्ताव आला तर विचार करू; खासदार कोल्हेंच्या वक्तव्याने चर्चांना उधाण
Total Views |
Image Source:(Internet)नाशिक : राष्ट्रवादी काँग्रेस (शरदचंद्र पवार) पक्षाचे खासदार डॉ. अमोल कोल्हे यांनी महायुतीकडून विकासाच्या मुद्द्यावर प्रस्ताव आल्यास त्याचा विचार करू, असे वक्तव्य करत राज्याच्या राजकीय वर्तुळात नव्या चर्चांना तोंड फोडले आहे. मात्र, हे पक्षांतराचे संकेत नसून विकासकामांना प्राधान्य देण्याची भूमिका असल्याचे त्यांनी स्पष्ट केले. नाशिक येथे आयोजित पत्रकार परिषदेत त्यांनी विविध राजकीय आणि विकासाशी संबंधित प्रश्नांवर सविस्तर भूमिका मांडली.
विकासासाठी कोणत्याही प्रस्तावाचा विचार-
पुणे-नाशिक सेमी हायस्पीड रेल्वे प्रकल्प मूळ आराखड्यानुसार पूर्ण होत असेल आणि त्यासाठी महायुतीकडून सकारात्मक प्रस्ताव आला, तर त्याचा विचार करण्यास हरकत नाही, असे कोल्हे म्हणाले. मात्र, याचा अर्थ आपण महायुतीत जाणार आहोत, असा काढू नये, असेही त्यांनी स्पष्ट करत विकास हा आपल्या भूमिकेचा केंद्रबिंदू असल्याचे सांगितले.
शरद पवारांप्रती निष्ठा कायम-
राष्ट्रवादी काँग्रेसमधील संभाव्य राजकीय घडामोडींवर बोलताना कोल्हे यांनी शरद पवारांप्रती आपली निष्ठा पुन्हा अधोरेखित केली. "पवार साहेब जे ठरवतील, तीच आमची भूमिका असेल," असे सांगत माध्यमांमध्ये सुरू असलेल्या चर्चांवर विश्वास ठेवू नये, असे आवाहन त्यांनी केले.
विलिनीकरणाच्या चर्चांवर स्पष्ट भूमिका-
राष्ट्रवादी काँग्रेसच्या विलिनीकरणाबाबत सुरू असलेल्या चर्चांवर प्रतिक्रिया देताना त्यांनी सांगितले की, पक्षाच्या वरिष्ठ नेतृत्वाकडून यासंदर्भात कोणताही अधिकृत निर्णय किंवा भूमिका जाहीर झालेली नाही. त्यामुळे अफवा आणि तर्कवितर्कांपेक्षा अधिकृत घोषणेची प्रतीक्षा करणे योग्य ठरेल, असे त्यांनी म्हटले.
पुणे-नाशिक रेल्वे मार्गावर सरकारला प्रश्न-
पुणे-नाशिक रेल्वे मार्गाचा मूळ आराखडा बदलण्याच्या निर्णयावरही कोल्हे यांनी आक्षेप घेतला. संगमनेर, नारायणगाव आणि मंचरमार्गे जाणारा प्रस्तावित मार्गच शेतकरी, उद्योग आणि वाहतुकीच्या दृष्टीने अधिक फायदेशीर असल्याचा दावा त्यांनी केला. जीएमआरटी (GMRT)च्या कारणावरून मार्ग बदलण्यामागे इतर हितसंबंध आहेत का, याची चौकशी व्हावी, अशी मागणीही त्यांनी केली.
फडणवीसांच्या कामाचे कौतुक-
मुख्यमंत्री देवेंद्र फडणवीस यांच्या पायाभूत सुविधा विकासातील कामाचे त्यांनी कौतुक केले. राष्ट्रीय स्तरावर त्यांची 'इन्फ्रा मॅन' अशी प्रतिमा तयार झाल्याचे सांगत, पुणे-नाशिक रेल्वे प्रकल्पाबाबतही त्यांनी सकारात्मक निर्णय घ्यावा, अशी अपेक्षा व्यक्त केली.
निधी आणि सामाजिक विषयांवरही मत-
विरोधी पक्षातील लोकप्रतिनिधींना विकासकामांसाठी अपेक्षित निधी मिळण्यात अडचणी येत असल्याचा आरोप करत, आपल्या खासदार निधीच्या खर्चाचा संपूर्ण तपशील सार्वजनिक असल्याचे कोल्हे यांनी सांगितले. तसेच 'सावित्रीबाई' या मालिकेद्वारे सामाजिक प्रबोधनाचा प्रयत्न सुरू असल्याचे त्यांनी नमूद केले. उपवर्गीकरणाच्या विषयावर सर्वसमावेशक चर्चा आणि सखोल अभ्यास होणे आवश्यक असल्याचेही त्यांनी स्पष्ट केले.
विकासासाठी कोणत्याही प्रस्तावाचा विचार-
पुणे-नाशिक सेमी हायस्पीड रेल्वे प्रकल्प मूळ आराखड्यानुसार पूर्ण होत असेल आणि त्यासाठी महायुतीकडून सकारात्मक प्रस्ताव आला, तर त्याचा विचार करण्यास हरकत नाही, असे कोल्हे म्हणाले. मात्र, याचा अर्थ आपण महायुतीत जाणार आहोत, असा काढू नये, असेही त्यांनी स्पष्ट करत विकास हा आपल्या भूमिकेचा केंद्रबिंदू असल्याचे सांगितले.
शरद पवारांप्रती निष्ठा कायम-
राष्ट्रवादी काँग्रेसमधील संभाव्य राजकीय घडामोडींवर बोलताना कोल्हे यांनी शरद पवारांप्रती आपली निष्ठा पुन्हा अधोरेखित केली. "पवार साहेब जे ठरवतील, तीच आमची भूमिका असेल," असे सांगत माध्यमांमध्ये सुरू असलेल्या चर्चांवर विश्वास ठेवू नये, असे आवाहन त्यांनी केले.
विलिनीकरणाच्या चर्चांवर स्पष्ट भूमिका-
राष्ट्रवादी काँग्रेसच्या विलिनीकरणाबाबत सुरू असलेल्या चर्चांवर प्रतिक्रिया देताना त्यांनी सांगितले की, पक्षाच्या वरिष्ठ नेतृत्वाकडून यासंदर्भात कोणताही अधिकृत निर्णय किंवा भूमिका जाहीर झालेली नाही. त्यामुळे अफवा आणि तर्कवितर्कांपेक्षा अधिकृत घोषणेची प्रतीक्षा करणे योग्य ठरेल, असे त्यांनी म्हटले.
पुणे-नाशिक रेल्वे मार्गावर सरकारला प्रश्न-
पुणे-नाशिक रेल्वे मार्गाचा मूळ आराखडा बदलण्याच्या निर्णयावरही कोल्हे यांनी आक्षेप घेतला. संगमनेर, नारायणगाव आणि मंचरमार्गे जाणारा प्रस्तावित मार्गच शेतकरी, उद्योग आणि वाहतुकीच्या दृष्टीने अधिक फायदेशीर असल्याचा दावा त्यांनी केला. जीएमआरटी (GMRT)च्या कारणावरून मार्ग बदलण्यामागे इतर हितसंबंध आहेत का, याची चौकशी व्हावी, अशी मागणीही त्यांनी केली.
फडणवीसांच्या कामाचे कौतुक-
मुख्यमंत्री देवेंद्र फडणवीस यांच्या पायाभूत सुविधा विकासातील कामाचे त्यांनी कौतुक केले. राष्ट्रीय स्तरावर त्यांची 'इन्फ्रा मॅन' अशी प्रतिमा तयार झाल्याचे सांगत, पुणे-नाशिक रेल्वे प्रकल्पाबाबतही त्यांनी सकारात्मक निर्णय घ्यावा, अशी अपेक्षा व्यक्त केली.
निधी आणि सामाजिक विषयांवरही मत-
विरोधी पक्षातील लोकप्रतिनिधींना विकासकामांसाठी अपेक्षित निधी मिळण्यात अडचणी येत असल्याचा आरोप करत, आपल्या खासदार निधीच्या खर्चाचा संपूर्ण तपशील सार्वजनिक असल्याचे कोल्हे यांनी सांगितले. तसेच 'सावित्रीबाई' या मालिकेद्वारे सामाजिक प्रबोधनाचा प्रयत्न सुरू असल्याचे त्यांनी नमूद केले. उपवर्गीकरणाच्या विषयावर सर्वसमावेशक चर्चा आणि सखोल अभ्यास होणे आवश्यक असल्याचेही त्यांनी स्पष्ट केले.
