मुख्यमंत्री देवेंद्र फडणवीसांचा मोठा निर्णय; डान्स बारसाठी नवे कठोर नियम लागू करण्याची तयारी
Total Views |
Image Source:(Internet)मुंबई : राज्यातील डान्स बारच्या कामकाजावर अधिक प्रभावी नियंत्रण आणण्यासाठी महाराष्ट्र सरकारने मोठे पाऊल उचलण्याचा निर्णय घेतला आहे. मुख्यमंत्री देवेंद्र फडणवीस यांनी विधानसभेत जाहीर केले की, डान्स बारसंदर्भातील नियम अधिक कठोर करण्यासाठी मुंबई पोलीस कायद्यात सुधारणा करण्यात येणार असून, यासाठी पावसाळी अधिवेशनात विधेयक सादर केले जाईल.
मुख्यमंत्री फडणवीस यांनी सांगितले की, सध्या काही डान्स बार चालक विद्यमान कायद्यातील त्रुटींचा फायदा घेत इतर कायद्यांअंतर्गत परवाने मिळवत आहेत. त्यामुळे डान्स बारसाठी असलेल्या कठोर अटींचे पालन टाळले जात आहे. ही पळवाट कायमची बंद करण्यासाठी सरकार कायद्यात आवश्यक बदल करणार आहे.
प्रस्तावित सुधारणांनुसार, डान्स बारसारखे कार्यक्रम आयोजित करणाऱ्या आस्थापनांना केवळ सुधारित मुंबई पोलीस कायद्यांतर्गतच परवाना मिळेल. त्यामुळे परवाना प्रक्रियेत अधिक पारदर्शकता येण्यासोबतच नियमांचे काटेकोर पालन सुनिश्चित केले जाईल.
विधानसभेतील चर्चेदरम्यान अनेक सदस्यांनी भिवंडीसह काही भागांत वाढलेल्या डान्स बारबाबत चिंता व्यक्त केली. या ठिकाणी गुन्हेगारीला चालना मिळत असल्याचा आरोप करत सदस्यांनी सरकारकडे कठोर कारवाईची मागणी केली.
यावर मुख्यमंत्री फडणवीस यांनी सरकार कोणत्याही प्रकारची अनियमितता सहन करणार नसल्याचे स्पष्ट केले. डान्स बारसंदर्भातील सर्व परवान्यांची प्रक्रिया नव्या नियमांनुसार केली जाईल आणि कायद्याचा गैरवापर करणाऱ्यांवर कठोर कारवाई केली जाईल, असेही त्यांनी सांगितले.
मुख्यमंत्री फडणवीस यांनी सांगितले की, सध्या काही डान्स बार चालक विद्यमान कायद्यातील त्रुटींचा फायदा घेत इतर कायद्यांअंतर्गत परवाने मिळवत आहेत. त्यामुळे डान्स बारसाठी असलेल्या कठोर अटींचे पालन टाळले जात आहे. ही पळवाट कायमची बंद करण्यासाठी सरकार कायद्यात आवश्यक बदल करणार आहे.
प्रस्तावित सुधारणांनुसार, डान्स बारसारखे कार्यक्रम आयोजित करणाऱ्या आस्थापनांना केवळ सुधारित मुंबई पोलीस कायद्यांतर्गतच परवाना मिळेल. त्यामुळे परवाना प्रक्रियेत अधिक पारदर्शकता येण्यासोबतच नियमांचे काटेकोर पालन सुनिश्चित केले जाईल.
विधानसभेतील चर्चेदरम्यान अनेक सदस्यांनी भिवंडीसह काही भागांत वाढलेल्या डान्स बारबाबत चिंता व्यक्त केली. या ठिकाणी गुन्हेगारीला चालना मिळत असल्याचा आरोप करत सदस्यांनी सरकारकडे कठोर कारवाईची मागणी केली.
यावर मुख्यमंत्री फडणवीस यांनी सरकार कोणत्याही प्रकारची अनियमितता सहन करणार नसल्याचे स्पष्ट केले. डान्स बारसंदर्भातील सर्व परवान्यांची प्रक्रिया नव्या नियमांनुसार केली जाईल आणि कायद्याचा गैरवापर करणाऱ्यांवर कठोर कारवाई केली जाईल, असेही त्यांनी सांगितले.
