शेतकरी, विद्यार्थी संकटात, पण सत्ताधारी खासदार फोडण्यात मश्गुल; उद्धव ठाकरेंचा शिंदे-भाजपवर घणाघात
Total Views |
Image Source:(Internet)शिर्डी: शिवसेना (उद्धव बाळासाहेब ठाकरे) पक्षातील सहा खासदारांनी पक्षाची साथ सोडल्यानंतर पक्षप्रमुख उद्धव ठाकरे यांनी बंडखोर खासदारांच्या मतदारसंघांचा दौरा सुरू केला आहे. शिर्डी येथील जाहीर सभेत त्यांनी सत्ताधाऱ्यांवर जोरदार टीकास्त्र सोडत राज्यातील जनतेचे प्रश्न बाजूला ठेवून फोडाफोडीचे राजकारण केल्याचा आरोप केला.
"राज्य आणि देशात अनेक गंभीर समस्या आहेत. शेतकरी अडचणीत आहे, विद्यार्थ्यांचे भविष्य पेपरफुटीमुळे धोक्यात आले आहे, बेरोजगारी वाढत आहे. मात्र सत्ताधाऱ्यांना याचे काहीच देणेघेणे नसून ते खासदार फोडण्यातच व्यस्त आहेत," अशा शब्दांत उद्धव ठाकरे यांनी सरकारवर निशाणा साधला.
शिर्डीचे माजी ठाकरे गटाचे खासदार भाऊसाहेब वाकचौरे यांनी अलीकडेच पक्षाला रामराम ठोकल्यामुळे या सभेकडे विशेष लक्ष लागले होते. यावेळी उद्धव ठाकरे यांनी थेट नाव न घेता बंडखोरांवर टीका केली आणि जनतेचा विश्वासघात करणाऱ्यांना जनता योग्य वेळी उत्तर देईल, असा इशाराही दिला.
सरकारच्या धोरणांवर टीका करताना ते म्हणाले, "शेतकऱ्यांना वेळेवर मदत मिळत नाही. बातमी आल्यानंतर दिखाऊ घोषणा केल्या जातात. जनतेच्या प्रश्नांवर काम करण्याऐवजी सत्ताधारी लोकप्रतिनिधी फोडण्यातच धन्यता मानत आहेत."
नीट आणि टीईटी परीक्षांमधील कथित पेपरफुटीचा उल्लेख करत त्यांनी सरकारला धारेवर धरले. "विद्यार्थ्यांच्या आयुष्याशी खेळ सुरू आहे. पण या अन्यायाविरोधात सरकारची संवेदनशीलता दिसत नाही," अशी टीका त्यांनी केली.
सभेच्या शेवटी उद्धव ठाकरे यांनी शिवसैनिकांना संघर्षासाठी सज्ज राहण्याचे आवाहन केले. "शिवसेना काही व्यक्तींवर उभी नाही, तर निष्ठावान शिवसैनिकांच्या बळावर उभी आहे. काही जण पक्ष सोडून गेले म्हणून शिवसेना संपणार नाही. आज परिस्थिती कठीण असली तरी उद्या सत्य आणि निष्ठेचाच विजय होईल," असा विश्वास त्यांनी व्यक्त केला.
तसेच पक्षाशी एकनिष्ठ राहिलेल्या नेत्यांचे कौतुक करत त्यांनी, "ज्यांनी जनतेच्या विश्वासाला तडा जाऊ दिला नाही, त्यांचाच आम्हाला अभिमान आहे. शिवसेनेचा संघर्ष सुरूच राहील," असे सांगत कार्यकर्त्यांमध्ये नवचैतन्य निर्माण करण्याचा प्रयत्न केला.
"राज्य आणि देशात अनेक गंभीर समस्या आहेत. शेतकरी अडचणीत आहे, विद्यार्थ्यांचे भविष्य पेपरफुटीमुळे धोक्यात आले आहे, बेरोजगारी वाढत आहे. मात्र सत्ताधाऱ्यांना याचे काहीच देणेघेणे नसून ते खासदार फोडण्यातच व्यस्त आहेत," अशा शब्दांत उद्धव ठाकरे यांनी सरकारवर निशाणा साधला.
शिर्डीचे माजी ठाकरे गटाचे खासदार भाऊसाहेब वाकचौरे यांनी अलीकडेच पक्षाला रामराम ठोकल्यामुळे या सभेकडे विशेष लक्ष लागले होते. यावेळी उद्धव ठाकरे यांनी थेट नाव न घेता बंडखोरांवर टीका केली आणि जनतेचा विश्वासघात करणाऱ्यांना जनता योग्य वेळी उत्तर देईल, असा इशाराही दिला.
सरकारच्या धोरणांवर टीका करताना ते म्हणाले, "शेतकऱ्यांना वेळेवर मदत मिळत नाही. बातमी आल्यानंतर दिखाऊ घोषणा केल्या जातात. जनतेच्या प्रश्नांवर काम करण्याऐवजी सत्ताधारी लोकप्रतिनिधी फोडण्यातच धन्यता मानत आहेत."
नीट आणि टीईटी परीक्षांमधील कथित पेपरफुटीचा उल्लेख करत त्यांनी सरकारला धारेवर धरले. "विद्यार्थ्यांच्या आयुष्याशी खेळ सुरू आहे. पण या अन्यायाविरोधात सरकारची संवेदनशीलता दिसत नाही," अशी टीका त्यांनी केली.
सभेच्या शेवटी उद्धव ठाकरे यांनी शिवसैनिकांना संघर्षासाठी सज्ज राहण्याचे आवाहन केले. "शिवसेना काही व्यक्तींवर उभी नाही, तर निष्ठावान शिवसैनिकांच्या बळावर उभी आहे. काही जण पक्ष सोडून गेले म्हणून शिवसेना संपणार नाही. आज परिस्थिती कठीण असली तरी उद्या सत्य आणि निष्ठेचाच विजय होईल," असा विश्वास त्यांनी व्यक्त केला.
तसेच पक्षाशी एकनिष्ठ राहिलेल्या नेत्यांचे कौतुक करत त्यांनी, "ज्यांनी जनतेच्या विश्वासाला तडा जाऊ दिला नाही, त्यांचाच आम्हाला अभिमान आहे. शिवसेनेचा संघर्ष सुरूच राहील," असे सांगत कार्यकर्त्यांमध्ये नवचैतन्य निर्माण करण्याचा प्रयत्न केला.
