नागपुरात जवानाच्या पत्नीचा धक्कादायक आरोप; बलात्कार, ब्लॅकमेलिंगसह धर्मांतराच्या दबावाप्रकरणी दोघे अटकेत
Total Views |
Image Source:(Internet)नागपूर : उपराजधानीत एका विवाहित महिलेने केलेल्या गंभीर आरोपांमुळे खळबळ उडाली आहे. २४ वर्षीय महिलेने बलात्कार, ब्लॅकमेलिंग, आर्थिक खंडणी, अंधश्रद्धेच्या माध्यमातून मानसिक छळ आणि सक्तीच्या धर्मांतराचे आरोप करत पोलिसांत तक्रार दाखल केली आहे. या प्रकरणी सोनेगाव पोलिसांनी दोन आरोपींना अटक केली असून एका आरोपीचा शोध सुरू आहे.
तक्रारदार महिला रिअल इस्टेट क्षेत्रात कार्यरत असून तिचा पती सुरक्षा दलात सेवेत आहे. पोलिसांत दिलेल्या तक्रारीनुसार, मुख्य आरोपी अय्याज मदारे याने जुन्या ओळखीचा फायदा घेत तिच्याशी संपर्क वाढवला. मालमत्तेच्या व्यवहाराच्या निमित्ताने झालेल्या भेटीदरम्यान तिच्या पेयात गुंगीचे औषध मिसळून आक्षेपार्ह फोटो आणि व्हिडिओ तयार करण्यात आल्याचा आरोप करण्यात आला आहे. त्यानंतर हे फोटो आणि व्हिडिओ व्हायरल करण्याची धमकी देत महिलेकडून लाखो रुपयांची उकळपट्टी करण्यात आल्याचा दावा तिने केला आहे.
महिलेच्या म्हणण्यानुसार, आरोपीने तिला विविध द्रवपदार्थ पिण्यास भाग पाडले आणि धार्मिक विधी, मंत्रोच्चार तसेच कथित जादूटोण्याच्या माध्यमातून तिच्यावर मानसिक प्रभाव टाकत वारंवार अत्याचार केले. या आरोपांची गंभीर दखल घेत पोलिसांनी अंधश्रद्धा आणि काळी जादू प्रतिबंधक कायद्यांतर्गतही गुन्हा दाखल केला आहे.
तक्रारीनुसार, मे महिन्यात महिलेला कळमेश्वर येथे नेण्यात आले. तेथे तिच्या इच्छेविरुद्ध धार्मिक विधी करून धर्मांतरासाठी दबाव टाकण्यात आला आणि मुख्य आरोपीसोबत निकाह झाल्याचे जाहीर करण्यात आल्याचा आरोप आहे. त्यानंतरही तिच्यावर लैंगिक अत्याचार झाल्याचा दावा तिने केला आहे.
दरम्यान, पोलिसांनी या प्रकरणाशी संबंधित मोबाईल फोन, व्हिडिओ आणि इतर इलेक्ट्रॉनिक पुरावे जप्त केले असून त्यांची फॉरेन्सिक तपासणी सुरू आहे. आर्थिक व्यवहारांचाही तपास केला जात आहे. या प्रकरणात दोन आरोपींना अटक करण्यात आली असून फरार आरोपीचा शोध सुरू आहे.
या प्रकरणातील सर्व आरोप तक्रारदार महिलेने केलेले असून त्यांची सत्यता पोलिस तपास आणि फॉरेन्सिक अहवालानंतरच स्पष्ट होणार आहे. मात्र, बलात्कार, ब्लॅकमेलिंग आणि कथित धर्मांतराच्या आरोपांमुळे नागपूरसह राज्यभरात या प्रकरणाची जोरदार चर्चा सुरू झाली आहे.
तक्रारदार महिला रिअल इस्टेट क्षेत्रात कार्यरत असून तिचा पती सुरक्षा दलात सेवेत आहे. पोलिसांत दिलेल्या तक्रारीनुसार, मुख्य आरोपी अय्याज मदारे याने जुन्या ओळखीचा फायदा घेत तिच्याशी संपर्क वाढवला. मालमत्तेच्या व्यवहाराच्या निमित्ताने झालेल्या भेटीदरम्यान तिच्या पेयात गुंगीचे औषध मिसळून आक्षेपार्ह फोटो आणि व्हिडिओ तयार करण्यात आल्याचा आरोप करण्यात आला आहे. त्यानंतर हे फोटो आणि व्हिडिओ व्हायरल करण्याची धमकी देत महिलेकडून लाखो रुपयांची उकळपट्टी करण्यात आल्याचा दावा तिने केला आहे.
महिलेच्या म्हणण्यानुसार, आरोपीने तिला विविध द्रवपदार्थ पिण्यास भाग पाडले आणि धार्मिक विधी, मंत्रोच्चार तसेच कथित जादूटोण्याच्या माध्यमातून तिच्यावर मानसिक प्रभाव टाकत वारंवार अत्याचार केले. या आरोपांची गंभीर दखल घेत पोलिसांनी अंधश्रद्धा आणि काळी जादू प्रतिबंधक कायद्यांतर्गतही गुन्हा दाखल केला आहे.
तक्रारीनुसार, मे महिन्यात महिलेला कळमेश्वर येथे नेण्यात आले. तेथे तिच्या इच्छेविरुद्ध धार्मिक विधी करून धर्मांतरासाठी दबाव टाकण्यात आला आणि मुख्य आरोपीसोबत निकाह झाल्याचे जाहीर करण्यात आल्याचा आरोप आहे. त्यानंतरही तिच्यावर लैंगिक अत्याचार झाल्याचा दावा तिने केला आहे.
दरम्यान, पोलिसांनी या प्रकरणाशी संबंधित मोबाईल फोन, व्हिडिओ आणि इतर इलेक्ट्रॉनिक पुरावे जप्त केले असून त्यांची फॉरेन्सिक तपासणी सुरू आहे. आर्थिक व्यवहारांचाही तपास केला जात आहे. या प्रकरणात दोन आरोपींना अटक करण्यात आली असून फरार आरोपीचा शोध सुरू आहे.
या प्रकरणातील सर्व आरोप तक्रारदार महिलेने केलेले असून त्यांची सत्यता पोलिस तपास आणि फॉरेन्सिक अहवालानंतरच स्पष्ट होणार आहे. मात्र, बलात्कार, ब्लॅकमेलिंग आणि कथित धर्मांतराच्या आरोपांमुळे नागपूरसह राज्यभरात या प्रकरणाची जोरदार चर्चा सुरू झाली आहे.
