पुरुषोत्तमपुरीत दुर्दैवी घटना; गोदावरी नदीत भाविकांची बोट बुडाली, अनेकांचा शोध सुरू
Total Views |
Image Source:(Internet)बीड :जिल्ह्यातील माजलगाव तालुक्यात असलेल्या पुरुषोत्तमपुरी तीर्थक्षेत्री आज एक मोठी दुर्घटना घडली. गोदावरी नदीतून दर्शनासाठी जात असलेल्या भाविकांची बोट अचानक पलटी झाल्याने अनेक जण पाण्यात वाहून गेल्याची भीती व्यक्त केली जात आहे. या घटनेनंतर संपूर्ण परिसरात चिंतेचे वातावरण निर्माण झाले आहे.
अधिक मासानिमित्त भगवान पुरुषोत्तम यांच्या दर्शनासाठी हजारो भाविक येथे दाखल झाले होते. नदीच्या दुसऱ्या तीरावर जाण्यासाठी भाविक बोटींचा आधार घेत असताना ही दुर्घटना घडली. प्रत्यक्षदर्शींनी दिलेल्या माहितीनुसार, बोटीत सुमारे 50 ते 60 जण प्रवास करत होते.
अपघातानंतर नदीत पडलेल्या भाविकांना वाचवण्यासाठी स्थानिक ग्रामस्थांनी तातडीने मदतीचा हात पुढे केला. प्रशासन, पोलीस आणि बचाव पथकांनीही घटनास्थळी धाव घेत शोध आणि बचाव मोहीम सुरू केली. आतापर्यंत काही भाविकांना सुरक्षित बाहेर काढण्यात यश आले असले, तरी अनेकांचा शोध अद्याप सुरू आहे.
प्राथमिक अंदाजानुसार बोटीत क्षमतेपेक्षा अधिक प्रवासी असल्यामुळे संतुलन बिघडून बोट उलटली असावी. विशेष म्हणजे, काही लहान मुलेही बोटीत असल्याची माहिती मिळत असून त्यांच्या सुरक्षिततेबाबत चिंता वाढली आहे.
पुरुषोत्तमपुरी येथे दर्शनासाठी जाणाऱ्या भाविकांसाठी नदीमार्गे बोट प्रवास ही नेहमीची व्यवस्था आहे. मात्र, मोठ्या गर्दीच्या पार्श्वभूमीवर सुरक्षेचे नियम पाळले गेले होते का, याबाबत प्रश्न उपस्थित होत आहेत.
दरम्यान, बेपत्ता भाविकांचा शोध घेण्यासाठी नदीपात्रात युद्धपातळीवर मोहीम सुरू असून प्रशासनाकडून परिस्थितीवर सातत्याने लक्ष ठेवले जात आहे. दुर्घटनेमागील नेमके कारण तपासानंतर स्पष्ट होणार आहे.
अधिक मासानिमित्त भगवान पुरुषोत्तम यांच्या दर्शनासाठी हजारो भाविक येथे दाखल झाले होते. नदीच्या दुसऱ्या तीरावर जाण्यासाठी भाविक बोटींचा आधार घेत असताना ही दुर्घटना घडली. प्रत्यक्षदर्शींनी दिलेल्या माहितीनुसार, बोटीत सुमारे 50 ते 60 जण प्रवास करत होते.
अपघातानंतर नदीत पडलेल्या भाविकांना वाचवण्यासाठी स्थानिक ग्रामस्थांनी तातडीने मदतीचा हात पुढे केला. प्रशासन, पोलीस आणि बचाव पथकांनीही घटनास्थळी धाव घेत शोध आणि बचाव मोहीम सुरू केली. आतापर्यंत काही भाविकांना सुरक्षित बाहेर काढण्यात यश आले असले, तरी अनेकांचा शोध अद्याप सुरू आहे.
प्राथमिक अंदाजानुसार बोटीत क्षमतेपेक्षा अधिक प्रवासी असल्यामुळे संतुलन बिघडून बोट उलटली असावी. विशेष म्हणजे, काही लहान मुलेही बोटीत असल्याची माहिती मिळत असून त्यांच्या सुरक्षिततेबाबत चिंता वाढली आहे.
पुरुषोत्तमपुरी येथे दर्शनासाठी जाणाऱ्या भाविकांसाठी नदीमार्गे बोट प्रवास ही नेहमीची व्यवस्था आहे. मात्र, मोठ्या गर्दीच्या पार्श्वभूमीवर सुरक्षेचे नियम पाळले गेले होते का, याबाबत प्रश्न उपस्थित होत आहेत.
दरम्यान, बेपत्ता भाविकांचा शोध घेण्यासाठी नदीपात्रात युद्धपातळीवर मोहीम सुरू असून प्रशासनाकडून परिस्थितीवर सातत्याने लक्ष ठेवले जात आहे. दुर्घटनेमागील नेमके कारण तपासानंतर स्पष्ट होणार आहे.
