मराठी घोषणांवरून मनसे आक्रमक; विमान कंपन्यांना २४ तासांची मुदत
Total Views |
Image Source:(Internet)मुंबई : महाराष्ट्र नवनिर्माण सेनेने पुन्हा एकदा मराठी भाषेच्या मुद्द्यावर आक्रमक पवित्रा घेतला आहे. Raj Thackeray यांच्या नेतृत्वाखालील मनसेने नवी मुंबई आंतरराष्ट्रीय विमानतळावरून उड्डाण करणाऱ्या विमान कंपन्यांना मराठीत घोषणा सुरू करण्यासाठी २४ तासांचा अल्टिमेटम दिला आहे.
मनसेच्या आरोपानुसार, इंडिगो एअरलाइन्सच्या विमानांमध्ये सध्या हिंदी आणि इंग्रजी भाषेतच घोषणा केल्या जात आहेत, तर मराठी भाषेला डावलले जात आहे. यावरून पक्षाने तीव्र नाराजी व्यक्त केली आहे.
ठाण्यात प्रसारमाध्यमांशी बोलताना मनसेचे नवी मुंबई अध्यक्ष गजानन काळे यांनी सांगितले की, महाराष्ट्रात सेवा देणाऱ्या विमान कंपन्यांनी मराठी भाषेचा सन्मान राखणे आवश्यक आहे. “मराठी ही राज्याची अधिकृत भाषा असताना विमानांमध्ये तिचा वापर न होणे ही गंभीर बाब आहे,” असे त्यांनी म्हटले.
मनसेने स्पष्ट इशारा देत म्हटले आहे की, पुढील २४ तासांत मराठी भाषेतील घोषणा सुरू करण्यात आल्या नाहीत, तर संबंधित विमान कंपन्यांना मनसे कार्यकर्त्यांच्या आंदोलनाला सामोरे जावे लागू शकते.
दरम्यान, नवी मुंबई आंतरराष्ट्रीय विमानतळ प्रशासनाने स्पष्टीकरण देताना सांगितले की, विमानतळ परिसरात हिंदी, इंग्रजी आणि मराठी या तिन्ही भाषांमध्ये सूचना व घोषणा दिल्या जात आहेत. प्रवाशांच्या सोयीसाठी बहुभाषिक प्रणाली कार्यरत असल्याचेही प्रशासनाने स्पष्ट केले.
मनसेच्या आरोपानुसार, इंडिगो एअरलाइन्सच्या विमानांमध्ये सध्या हिंदी आणि इंग्रजी भाषेतच घोषणा केल्या जात आहेत, तर मराठी भाषेला डावलले जात आहे. यावरून पक्षाने तीव्र नाराजी व्यक्त केली आहे.
ठाण्यात प्रसारमाध्यमांशी बोलताना मनसेचे नवी मुंबई अध्यक्ष गजानन काळे यांनी सांगितले की, महाराष्ट्रात सेवा देणाऱ्या विमान कंपन्यांनी मराठी भाषेचा सन्मान राखणे आवश्यक आहे. “मराठी ही राज्याची अधिकृत भाषा असताना विमानांमध्ये तिचा वापर न होणे ही गंभीर बाब आहे,” असे त्यांनी म्हटले.
मनसेने स्पष्ट इशारा देत म्हटले आहे की, पुढील २४ तासांत मराठी भाषेतील घोषणा सुरू करण्यात आल्या नाहीत, तर संबंधित विमान कंपन्यांना मनसे कार्यकर्त्यांच्या आंदोलनाला सामोरे जावे लागू शकते.
दरम्यान, नवी मुंबई आंतरराष्ट्रीय विमानतळ प्रशासनाने स्पष्टीकरण देताना सांगितले की, विमानतळ परिसरात हिंदी, इंग्रजी आणि मराठी या तिन्ही भाषांमध्ये सूचना व घोषणा दिल्या जात आहेत. प्रवाशांच्या सोयीसाठी बहुभाषिक प्रणाली कार्यरत असल्याचेही प्रशासनाने स्पष्ट केले.
